Денеска, во македонското Собрание почнува процедурата за предлог-измените на Уставот.
Од владејачкиот СДСМ преку соопштение велат дека од предложените уставни измени јасно се гледа дека тие дополнително го унапредуваат македонскиот Устав и го зајакнуваат македонскиот идентитет, се унапредуваат основните права на деловите од народите што живеат во нашата земјата, но и се истакнува посебноста на македонскиот народ.
„Секој што ѝ мисли добро на државата ќе ги поддржи уставните измени по чие усвојување веднаш ќе се отворат првите поглавја и ќе се забрза процесот на интеграција во ЕУ.
Затоа, потребно е обединување за иднината на земјата со глас за Европа во македонското Собрание.
Да не дозволиме ситни интереси на поединци и политички кариери скапо да ја чинат државата и да влезе во нова изолација, која ќе трае со години.
Да не дозволиме самите од внатре да се блокираме на патот кон и ЕУ, туку низ отворена, аргументирана дебата, измените на Уставот да бидат усвоени.
Глас за Европа е глас за подобра, посигурна и постабилна македонска иднина“, велат од СДСМ.
Макфакс
