Втора година по ред, Макс Ферстапен, победи во квалификациите за Големата награда на Белгија, но нема да може да стартува од пол-позицијата на „Спа“ поради казна. Така, првата позиција на стартниот ред в недела ќе ја заземе Шарл Леклер, кој заврши како второпласиран во денешните квалификации. Тоа ќе биде пол-позиција број 20 во неговата кариера во Формула 1.
Max Verstappen is fastest on track in Belgium! 💪
Due to a 5-place grid penalty, Charles Leclerc will start the Grand Prix from pole position #BelgianGP #F1 @Max33Verstappen @redbullracing pic.twitter.com/iV7tqdiqiD
— Formula 1 (@F1) July 28, 2023
Ферстапен на патеката триумфираше со време од 1:46.168, што беше за цели 0.820 секунди подобро од тоа на Леклер. Трет во сесијата заврши клупскиот колега на Ферстапен од Ред Бул, Серхио Перез, кој беше за 0,877 побавен од светскиот шампион.
Самите квалификации беа многу интересни бидејќи во текот на сесијата патеката стануваше сè побрза и побрза бидејќи постојано се сушеше. Возачите на почетокот имаа интермедијални гуми, но на средината од втората фаза ги сменија за да ги возат решавачките 12 минути.
Макфакс
