Со само две неплатени сметки ЕВН гаси струја во сите населени места во Македонија. Ова не е случај во Слупчане. Таму се дозволени милионски долгови, а никој не преземал мерки, велат ВМРО-ДПМНЕ во соопштение.
Според опозицијата, драмата во Слупчане трае, а очигледно е резултат на корупцијата, на криминалот, на претприемачкиот дух на младите со презиме Ахмети или Груби. Оттука, велат од ВМРО-ДПМНЕ, во ваква една ситуција во која жителите на едно населено место не плаќале толку долго струја отвора низа на дилеми, а надлежните мора да дадат одговор на низа на прашања.
-Владата на ДУИ и помалиот коалициски партнер СДСМ и министерот за економија, Крешник Бектеши мора да кажат што е договорено во Слупчане во однос на плаќањето сметки за струја? Дали Владата која се вмеша во овој должничко доверителски спор, е гарант за жителите на Слупчане дека ќе добијат отпис на долговите, или гарант за ЕВН дека ќе ги наплати долговите? Дали Владата ќе оди до таму да дозволи евентуално повисоки сметки за струја на државно ниво за да се покрие разликата?, бараат одговор од опозициската партија и велат дека друг одговор нема освен предвремени избори.
Макфакс
