Секојдневно на виделина излегуваат потврди дека ДПМНЕ не е ништо освен криминална партија која дејствува на штета на граѓаните и на државата, рече на денешната прес конференција портпаролката на СДСМ Богданка Кузеска.
Таа додаде дека Европската канцеларија за борба против измама (ОЛАФ) отвори случај за проект од 2015 година, вреден 660 000 евра, за софтвер во Министерството за земјоделство, шумарство и водостопанство, како и дека во тој случај нотирани се низа неправилности, а на државата ОЛАФ и препорачала да ги врати парите.
Кузеска нагласи дека во тој период Владата е предводена од ДПМНЕ и премиерот Никола Груевски, а меѓу неговите советници бил и денешниот шеф на ДПМНЕ, Христијан Мицкоски.
Макфакс
