Министерот за внатрешни работи на Косово, Џељаљ Свечља информирал дека учесниците во синоќешниот инцидент и пукање во кафулето „Бон виван“ во Приштина претходно имале над десетици кривични дела.
Свечља на Фејсбук соопштил дека се пуштени на слобода, бидејќи, како што навел, „затаила правдата“.
– Двете страни вклучени во судирот имаат десетици претходни кривични дела. Кога правдата ќе затаи, слични ситуации се неизбежни! Правдата е работа на полицијата, обвинителите и судиите. Правдата е комплетен систем кога сите институции ги извршуваат своите функции, пишува Свечља.
Во синоќешниот инцидент едно лице загина, а повредени се 16, од кои, како што пишуваат некои косовски медиуми 14 биле девојки.
makfax.com.mk
