Доцна попладнево во близина на Свети Николе изби пожар на отворено кој се прошири помеѓу селото Кадрифаково и бензинската пумпа „Мики Петрол“, во правец на ветерниците спроти фабриката Агриа на ридови со висока трева и нискостеблеста шума, објави Центарот за управување со кризи.
„Во гаснењето на пожарот беа ангажирани пожарникарите од ТППЕ Свети Николе со подршка од ТППЕ Велес како и едно од најдобрите доброволни противпожарни друштва во Р.С. Македонија, друштвото од Свети Николе, и екипа на Национални Шуми“, рече директорот на ЦУК, Стојанче Ангелов.
Околу 21.00 часот пожарот целосно е изгаснат.
Макфакс
