Времето денеска ќе биде сончево и топло со мала до умерена облачност и со слаб до умерен ветер од северен правец, информираат од УХМР. Од пладневните часови ќе има локална појава на нестабилност проследена со пороен дожд, грмежи и засилен ветер.
Минималната температура ќе биде во интервал од 13 до 23, а максималната ќе достигне од 31 до 38 степени. Индексот на ултравиолетово зрачење ќе изнесува 7.
И во Скопје ќе биде сончево и топло со мала до умерена облачност и со слаб до умерен ветер од северен правец. Попладне облачноста ќе се зголемува и во делови од котлината ќе има услови за краткотрајна нестабилност со пороен дожд, грмежи и засилен ветер. Минималната температура ќе се спушти до 20, а максималната ќе достигне до 36 степени.
Во недела, пак, ќе дува умерен до засилен северен ветер, а наместа ќе има услови за слаб дожд. Потоа, во следните денови времето ќе биде стабилно и многу топло.
Макфакс
