Првите 10 тенкови Леопард 1, кои беа донирани од Данска, Германија и Холандија, пристигнаа во Украина, соопштија данските вооружени сили.
Трите земји во февруари најавија дека ќе донираат 100 тенкови од германско производство во наредните месеци.
Првите 10 тенкови беа испратени во Украина, а на пат има уште, според соопштението на данските вооружени сили, пренесува Гардијан.
„Не се сомневам дека тоа ќе им помогне“
Данските војници во Германија ги обучуваат украинските сили да ги користат овие возила, се додава во соопштението.
„Не се сомневам дека тоа ќе им помогне да ја добијат одбранбената битка што ја водат во моментов“ се вели во соопштението на командантот на армијата, Нилсен.
Леопард 1 некогаш бил главниот борбен тенк на западногерманските вооружени сили, првпат користен во 1965 година, но оттогаш е заменет со моделот Леопард 2.
makfax.com.mk
