За нецели три месеци избори во Србија, Вучиќ со остра порака до опозицијата
Минатата недела проевропската опозиција во српскиот парламент го потпиша т.н. Договор за победа, чија цел е соработка на сите опозициски партии и движења во обезбедувањето слободни, фер и рамноправни избори на кои ќе се спротивстават на актуелната власт, предводена од Српската напредна партија (СНС).
„Рековме дека сакаме да ги исполниме барањата на опозицијата за избори, тоа е важен демократски дострел, но сакаме и во иднина да имаме јасен мандат и да бидеме суверена држава. Опозицијата побара избори, тие победија на изборите во Белград и на ниво на Србија, се подготвуваат, им остануваат уште 79 дена до изборите“, рече Вучиќ.
Претходно, дел од опозицијата писмено побара од шефот на државата да распише вонредни парламентарни и белградски избори до крајот на годинава, а Вучиќ тогаш им одговори дека изборите „не се фонтана на желби“ и дека може да се одржат на пролет следната година.
Веста за евентуалното распишување на вонредни избори, не само парламентарни, покраинските, белградски, како и изборите во некои други општини, Вучиќ ја соопшти во средата вечерта за Радио-телевизија Србија, зборувајќи за ситуацијата на Косово по конфликтот во кој еден косовски полицаец и тројца други од група на триесетина вооружени и униформирани Срби.
Изборите изгледаат се поизвесни потврди и градоначалникот на Белград Александар Шапиќ за белградските медиуми. Тој изјави дека изборите во главниот град „многу веројатно“ ќе се одржат на 17 декември и дека ќе се знае „за неколку дена“.
