Автомобил влета во отворениот дел на популарен паб во хотел западно од Мелбурн, а се верува дека има многу загинати со оглед на тоа што угостителскиот објект бил полн со луѓе.
Возилото наводно удрило во Ројал Хотел, во пабот Бир Гарден во Дејлсфорд.
Инцидентот се случил во неделата околу 18 часот по локално време.
Бројот на повредени и загинати во оваа фаза не е познат.
„Службите за итни случаи моментално се на местото на тешката несреќа на улицата Винсент, Дејлсфорд. Бидејќи итните служби имаат потреба од пристап до местото на настанот, ги замолуваме граѓаните да го избегнуваат теренот“, соопштија од полицијата.
Службите за итна помош се на терен.
