50-годишен охриѓаец загина, а уште тројца се повредени во тешка сообраќајна несреќа која се случи вчеравечер на магистралниот пат Битола – Ресен, кај селото Братиндол.
Несреќата се случила по 19 часот, а се судриле две патнички возила „бмв“ и „клио“. Автомобилот „бмв“, го управувал 24-годишниот Б.Н., а со него бил и 25-годишниот К.Ш., двајцата од Ресенско.
Лицето што загина, управувало со „рено клио“, а во возилото имало и сопатничка, 55-годишната Н.С. од Охрид.
Екипата на СВР Битола изврши увид на лице место. Сообраќајот на патот Битола – Ресен е нормализиран.
