Орките повторно нападнале луѓе на отворено море. Овој пат, група китови убијци потопиле полска јахта во близина на брегот на Мароко, се вели во објавата на Фејсбук на туристичка компанија.
Инцидентот се случил на 31 октомври откако група орки ја нападнале јахтата, по име „Граци Мама II“, додека минувале низ Гибралтарскиот Проток, објави Инсајдер.
Orcas sink Polish yacht after 45-minute attack, tour company says https://t.co/vGwIDZSc21 pic.twitter.com/ldEFkYGO6Q
— New York Post (@nypost) November 6, 2023
Морските цицачи – кои можат да пораснат над девет метри и тежат над 11 тони – наводно „удирале на јахтата 45 минути, предизвикувајќи голема штета и истекување“.
И покрај обидите да се спаси бродот, тој „потонал во близина на влезот на пристаништето Тангер-Мед“, се вели во пораката.
Екипажот не е повреден во нападот.
