Сирија рано утринава собори израелски проектили кои беа истрелани од Голанската висорамнина кон областа околу главниот град Дамаск, соопшти сириската армија. Повеќето од израелските ракети биле пресретнати, но некои предизвикале материјална штета, се вели во соопштението на армијата. Израелската војска одби да коментира.
Минатата недела израелската војска објави дека една организација во Сирија лансирала беспилотно летало кое цели на училиште во јужниот израелски град Еилат и дека Израел возвратил на нападот. Регионот доживеа серија напади од 7 октомври, кога палестинските милитанти на Хамас го нападнаа Израел, а Израел возврати.
На 8 ноември, Сирија, исто така, рече дека Израел извршил воздушен напад врз воени локации во јужна Сирија, додека конфликтот меѓу Хамас и Израел доведе до зголемување на одмаздничките напади.
