Барселона вчера ја потврди тешката повреда на 19.годишниот Гави. Фудбалерот ги скина лигаментите во десното коло на квалификацискиот натпревар за ЕП меѓу Шпанија и Грузија.
Гави беше на дополнителни лекарски прегледи, а од клубот соопштија дека фудбалерот оваа недела ќе оди на операција и ќе го пропушти остатокот од сезоната и Европското првенство.
Иако Барселона не објави кога го очекува неговото враќање, овие повреди бараат опоравување од најмалку шест месеци, а често и подолго. Секој ден од неговото отсуство Барселона ќе го наплати од ФИФА.
Според своите правила, ФИФА на Барселона ќе и плаќа по 20.548 евра секој ден, доколку тоа отсуство е подолго од 28 дена. Отштетата на Барса ќе почне да и се исплаќа на 16 декември.
Доколку Гави паузира шест месеци, Барселона ќе добие 3.000.0000 евра, а доколку не е подготвен да игра осум месеци, ќе добие 4.315.000 евра.
Макфакс
