Педесет и тригодишна жена од Скопје пријавила дека била измамена од лице, кое се претставило како посредник за работа во странство.
Според пријавеното, тие стапиле во контакт преку социјалната мрежа Фејсбук и ѝ ветило дека ќе пронајде работа за нејзиниот син во Германија. Како што е пријавено, во периодот од 12 октомври до 10 ноември, на лицето, на различни банкарски сметки, му уплатила вкупно 13.516 денари за обезбедување на потребните документи. Откако лицето ѝ побарало дополнителни 3.000 денари за обезбедување нови документи, таа сфатила дека е измамена и ја прекинала комуникацијата со него.
Се преземаат мерки за расчистување на случајот, велат од полицијата.
![](https://skopje1.mk/wp-content/uploads/2022/01/2222.png)