Бразилскиот фудбалер на Челзи, Тиаго Силва сака да го продолжи договорот со клубот.
Тиаго Силва (39) има договор со „сините“ до јуни следната година, а бразилскиот фудбалер планира да игра и во сезоната 2024/2025 за тимот од „Стемфорд Бриџ“.
Британските медиуми велат дека Бразилецот докажал дека се уште може да игра на врвно ниво, а Тиаго Силва е исклучително популарен меѓу клупските фанови.
Силва пристигна во Челзи во 2020 година, а со „сините“ во 2021 година ја освои Лигата на шампионите, Суперкупот на Европа и Светското клупско првенство.
Пред Челзи играше за ПСЖ, Милан, Флуминенсе, Динамо Москва, Порто, Хувентуд и Футебол.
Силва оваа сезона одигра 13 натпревари за тимот од „Стемфорд Бриџ“ и постигна еден гол.
За бразилската репрезентација настапи на 113 натпревари и постигна седум гола.
Макфакс
