Австралискиот Сиднеј, заедно со индиската престолнина Њу Делхи, денеска е меѓу најзагадените градови во светот бидејќи чадот од шумските пожари на север го покри пристанишниот град, пренесува „Ројтерс“.
Индексот на квалитетот на воздухот во главниот град на австралиската држава Јужен Велс, кој е познат по ведрото и сино небо, достигна 161 по 17 часот по локално време во областите северно од центарот на градот достигнувајќи ниво на кое на граѓаните им се советува да избегнуваат вежбање на отворено.
Австралиската рурална противпожарна служба вели дека до вечерта јужните ветрови треба да почнат да го растераат чадот што се надвива над градот, кој е стотици километри јужно од местото каде што пожарите опустошија околу 136.000 хектари.
Енергетската компанија „Сантос“ ја прекина работата на проект за гас во северозападниот дел на Сиднеј поради пожар што беснее и е надвор од контрола во шумите на Националниот парк Пилигија, јужно од градот Нарабри.
„Пожарите во Пилига предизвикуваат голема загриженост“, се вели во соопштението на портпаролот на „Сантос“.
Властите предупредија на сезона со висок ризик за пожари во Австралија ова лето по две тивки сезони во споредба со пожарите во 2019 и 2020 година, познати како „Црно лето“, кои уништија област со големина на Турција и загинаа 33 луѓе.
