На островот Шетланд училиштата се затворени како мерка на претпазливост, а се очекуваат големи проблеми во водениот сообраќај. Откажани се бројни возови, а откажани се и многу летови, а сето тоа поради неповолните временски услови.
Обединетото Кралство е под влијание на бурата „Пиа“. Во поголем дел од земјата е активиран жолт метео аларм, и се очекува ветер до 130 км/ч.
🌬️ A windy start to Thursday, particularly in the north of the UK
🌧️ Cloud, rain and drizzle slowly sinking southwards
🌦️ Sunshine and blustery showers in the north, with thunder and lightning possible
⚠️ Stay #WeatherAware pic.twitter.com/WpH8j8HjZV
— Met Office (@metoffice) December 20, 2023
Во поголемиот дел од земјата се очекуваат удари на ветер и до 100 км/ч. Најсилни влијанија се очекуваат во Шкотска и северна Англија.
Полицијата и другите служби имаат полни раце работа. Дрво паднало врз автомобил кај Ковентри и возачот е повреден, проблеми во сообраќајот има и во Северна Ирска.
Надлежните ги предупредија граѓаните да ја следат временската прогноза и да се подготват пред да заминат на патување.
„Многу луѓе патуваат за празниците, ги советуваме пред да заминат на патување дефинитивно да ја проверат прогнозата“, велат метеоролозите.
Од британската метеоролошка служба најавија и дека очекуваат бел Божиќ. Снег треба да има, но не премногу, велат надлежните.
