„Што катиљ народ сме“-пеплосани дрвцата и уништени клупите на Кеј
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2024/01/eZy-Watermark_23-01-2024_03-54-27-5500PM.jpg)
На Кејот на Вардар на потегот од десната страна на вливот на Лепенец во Вардар, освен една која вандалите не успеале да ја откорнат, сите клупи се уништени и однесени.
Клупите беа нови и квалитетни и граѓаните уживаа и се одмораа во летните и есенските месеци. Сега буквално нема каде да се седне. Уништен е и дрворедот кој беше донација и кој веќе почна да се оформува и да пушта лисја. Некој намерно ги корнел и копачел младите садници.
„Зошто, прашуваат револтирани граѓани кои се шетаа по Кеј. Што катиљ народ сме, па ова беше за нас и нашите деца, да седнеме под сенка. Ова е срамота. Дивјаци”, коментираат револтирано.
Кејот на Вардар е под надлежност на град Скопје и бараат од градоначалничката да набават нови клупи и да засадат нови дрвца.
![](https://skopje1.mk/wp-content/uploads/2022/01/2222.png)