Ковачевски: Гоце Делчев би бил горд за она што го направивме, Македонија напредува
![](https://skopje1.mk/wp-content/uploads/2024/02/Ковачевски-Гоце-Делчев-би-бил-горд-за-она-што-го-направивме-Македонија-напредува-1-2.jpeg)
Делегација СДСМ, предводена од претседателот Димитар Ковачевски, заедно со заменик претседателката Сања Лукаревска и организациониот секретар Митко Трајчулевски, денеска во црквата Свети Спас, положија цвеќе и оддадоа почит на македонскиот национален херој и револуционер, Гоце Делчев.
Неговите пораки за единство и сплотеност, за слободна и просперитетна држава се патоказ и света обврска во градењето на нашата држава. Делото на великанот Делчев, кој го разбра светот како поле за културен натпревар меѓу народите, останува силен мотив за нашите сегашни и идни генерации, за развој и напредок на независна и европска држава.
Гоце Делчев би бил горд за се што направивме, Македонија напредува, порача претседателот на СДСМ Ковачевски, на денешното одбележување на 152 години од раѓањето на основоположникот на македонската револуционерна борба, Гоце Делчев. Северна Македонија е рамноправна членка на најмоќниот воен сојуз НАТО, трасиран е патот за членство во ЕУ. Идеалите и заложбите на Делчев се наша заедничка обврска да продолжиме да ја градиме државата како демократска и економски напредна земја, порача претседателот на СДСМ, Ковачевски.
Нека е вечен споменот на великанот на македонското револуционерно дело и државност, Гоце Делчев.
![](https://skopje1.mk/wp-content/uploads/2022/01/2222.png)