(Видео) Триумф на „Опенхајмер“ со седум Оскари, меѓу кои и за најдобар филм
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2024/03/Screenshot-2024-03-11-at-03.28.43.png)
На црвениот тепих прошетаа бројни познати личности, од Кирстен Данст, Стивен Спилберг, Рајан Гослинг, Роџер Федерер, Андреа Бочели, Силијан Марфи, Двејн Рок Џонсон и други. Имаше и протести и барања веднаш да се воспостави примирје во Газа. Церемонијата започна, водителот Џими Кимел се заблагодари што повторно е домаќин на Оскарите.
Оваа година, на на 96. Оскари триумфираше „Опенхајмер“. Тој доби седум златни статуетки – во категориите: најдобар филм, најдобра режија, најдобра машка улога, најдобра машка споредна улога, кинематографија, најдобра оригинална музика и монтажа.
“Oppenheimer” wins Best Picture at the #Oscars. https://t.co/UNgGySGz3r pic.twitter.com/DvMjoseSRl
— Variety (@Variety) March 11, 2024
„Опенхајмер“ е најдобриот филм, прочита Ал Пачино.
Како течеше вечерта:
Фокусот беше на екипите на филмовите „Барби“ и „Опенхајмер“. Маргот Роби и Рајан Гослинг седеа во близина. Своите места ги зазедоа Силијан Марфи и Роберт Дауни Џуниор. Бредли Купер, кој е номиниран за главна машка улога, на доделувањето на Оскарите дошол со својата мајка.
Прва беше доделена наградата за најдобра споредна женска улога. Во конкуренција беа Џоди Фостер, Емили Блант, Америка Ферера, Даниел Брукс, Двејн Рендолф. Двејн Џој Рендолф годинава го освои првиот Оскар за најдобра споредна женска улога за улогата во филмот „Holdovers“ („Академија Бартон“). Актерката заплака и им се заблагодари на сите за наградата.
“Се молам на Бога ова да се повтори. Ви благодарам на сите”, рече емотивната Двејн.
Ања Тејлор Џој и Крис Хемсворт го доделија следниот Оскар, за краток анимиран филм. Филмот „Војната е завршена“, кој исто така го сними синот на Џон Ленон – Шон Ленон, доби признание. „Момчето и чапјата“ доби Оскар за долгометражен анимиран филм. Признание за Тоши Сузуки и легендарниот Хајао Мијазаки.
Филмот „Анатомија на падот“ доби Оскар за најдобро оригинално сценарио. Награда за Артур Харари и Џастин Трит.
Следната награда се доделува за најдобро адаптирано сценарио. Оскарот за оваа категорија оди за „Американска фикција“. Корд Џеферсон ја зеде наградата. Следуваше музичка пауза. Били Ајлиш и Финес О’Конел ја изведоа песната номинирана за Оскар „What I Was Made For“. Музичките ѕвезди добија овации по нивниот настап.
Кетрин О’Хара и Мајкл Китон ја доделија наградата за најдобра споредна машка улога. Пред тоа, Оскар за најдобра сценографија доби филмот „Кутрите суштества“. Истата продукција ја доби наградата за шминка и фризура, како и за најдобар костим.
Инаку, за време на доделувањето на Оскарот за најдобар костим, актерот Џон Сина се прошета гол на сцената.
John Cena walks onto the #Oscars stage. https://t.co/UNgGySGz3r pic.twitter.com/zPrsl5oiCy
— Variety (@Variety) March 11, 2024
Филмот „Зона на интерес“ на Џонатан Глејзер доби Оскар за најдобар меѓународен филм. Во силна конкуренција, Оскар за најдобра машка споредна улога му припадна на Роберт Дауни Џуниор за неговата улога во филмот „Опенхајмер“. Холивудската суперѕвезда им се заблагодари на сите.
Арнолд Шварценегер и Дени ДеВито добија Оскар за најдобри визуелни ефекти. Филмот „Годзила“ доби признание.
Нов Оскар за „Опенхајмер“. По Роберт Дауни Џуниор, ова дело ја доби наградата за најдобра монтажа. Оскарот за најдобар краток документарен филм го доби продукцијата „Master Workshop“.
Филмот „Дваесет дена во Мариопол“ доби Оскар за најдобар документарен филм. Авторот на ова дело наградата и ја посвети на Украина.
Филмот „Опенхајмер“ доби Оскар за најдобра фотографија. Поточно, холандскиот кинематографер Хојте Ван Хојтема.
Најдобар краток филм е „Прекрасната приказна за Хенри Шугар“ на Вес Андерсон.
По изведбата на Беки Џи, Оскар за најдобар звук и беше доделен на актерската екипа на филмот „Зона на интерес“.
Рајан Гослинг, кој ја отпеа песната од филмот „Барби“ „Јас сум само Кен“, настапи на Оскарите. На сцената му се придружи легендарниот рокер, гитаристот на Guns N’ Roses, Слеш.
Следуваа Оскарите за најдобра оригинална песна и најдобра оригинална музика. На „Опенхајмер“ му беше доделена наградата за најдобра оригинална музика. Поточно, на композиторот Лудвиг Јорансон. Били Ајлиш и Финес О’Конел добија Оскар за најдобра оригинална песна. Станува збор за песна која го краси филмот „Барби“.
Академијата им оддаде почит на актерите и филмските работници, како и на Алексеј Навални, кој нѐ напушти. Во нивна чест песната „Time To Say Goodbye“ ја изведоа Андреа Бочели и неговиот син Матео.
Моментот кој многумина го чекаа. Оскар за најдобра машка улога отиде во рацете на Силијан Марфи за улогата во филмот „Опенхајмер“.
Актерот не го криеше својот ентузијазам и им се заблагодари на сите.
Cillian Murphy wins Best Actor at the #Oscars for his role in Christopher Nolan's "Oppenheimer." https://t.co/UNgGySGz3r pic.twitter.com/ce9h7vjlUl
— Variety (@Variety) March 11, 2024
„Јас сум горд Ирец што стојам овде вечерва“, рече Марфи, кој е номиниран за прв пат.
Наградата ја посвети на сите оние кои се обидуваат да воспостават мир во светот.
Оскар за најдобра машка споредна улога му припадна на Роберт Дауни Џуниор, за улогата во филмот „Опенхајмер“.
Следуваше целосен триумф за „Опенхајмер“. Новиот Оскар му припадна на Кристофер Нолан, кој беше прогласен за најдобар режисер.
Познатиот режисер се заблагодари на целиот тим на „Опенхајмер“.
„Им благодарам на сите што веруваа во мене во текот на мојата кариера“, рече Нолан.
Ема Стоун е најдобрата женска актерка, за улогата во филмот „Poor Things“. Тоа е нејзин втор Оскар во кариерата, бидејќи првиот го освои за улогата во филмот „La La Land“.
Видно возбудената Ема им се заблагодари на сите, особено на екипата на филмот „Кутри суштества“.
![](https://skopje1.mk/wp-content/uploads/2022/01/2222.png)