Градоначалникот на Арачиново два пати претходно пријавувал закани по живот
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2023/10/eZy-Watermark_01-10-2023_05-26-29-3350PM.jpg)
Вчера во Арачиново беше пукано со калашников кон градоначалникот на Арачиново, Ридван Ибраими, кадар на ДУИ и тоа додека бил на должност и вршел увид на градежни работи.
Ибраими останал неповреден, додека со повреди се здобиле синот на возачот на градоначалникот и 39-годишниот Е.С., кој бил ранет во градниот кош.
Причината за пукањето и настанот кој ги вознемири арачиновци е непозната, иако но се претпоставува дека станува збор за претходен спор за земјиште каде треба да се изгради фудбалско игралиште.
Ова не е прв пат градоначалникот да се жали дека му е загрозен животот.Пред десетина месеци пријавил дека соселанец му се заканувал по животот, по што полицијата уапси 69-годишен арачиновец кој ги упатил заканите.
Полицијата активно трага по лицето кое што вчера пукаше.
![](https://skopje1.mk/wp-content/uploads/2022/01/2222.png)