Зеленски: Русија подготвува дополнителна мобилизација од 300.000 војници на 1 јуни
Русија подготвува дополнителна мобилизација од 300.000 војници на 1 јуни, изјави денеска украинскиот претседател Володимир Зеленски по средбата со финскиот претседател Александар Стуба во Киев.
Одговарајќи на новинарски прашања за тоа колку регрути ќе бидат мобилизирани во украинската армија оваа година, Зеленски рече дека половина милион војници нема да бидат потребни, пренесе Интерфакс Украина.
„Кога станува збор за конкретната бројка на луѓе кои ќе бидат мобилизирани, не можам да кажам… Не ни требаат половина милион“, рече Зеленски.
Зеленски му се заблагодари на врховниот командант на вооружените сили на Украина, Александар Сирски, што извршил ревизија во армијата, така што оние кои избегнале мобилизација да се најдат на фронтот. Стуб и Зеленски денеска го потпишаа Договорот за безбедносна соработка и долгорочна поддршка на двете земји, а Стуб ја објави и одлуката на Финска да му испрати на Киев помош во воена опрема во износ од 188 милиони евра.
