Олимписки игри во Париз 2024: Сè за најголемиот спортски настан во годината
Француската престолнина по трет пат ќе биде домаќин на Летните олимписки игри, а француската влада може да го промени церемонијата на отворање поради безбедносни причини.
Олимпискиот факел беше запален во Грција, по што го започнува патувањето за Париз, за почеток на Игрите на 26 јули.
Безбедноста стана главна грижа за француската влада, а плановите за свеченото отворање се преиспитуваат.
Факелот најпрво ќе помине повеќе од 4.800 километри низ Грција, а во мај ќе биде пренесен со брод преку Средоземното Море до Франција.
Потоа ќе патува низ Франција и нејзините прекуокеански територии пред да пристигне во Париз на почетокот на Олимписките игри.
Летните олимписки игри траат од 26 јули до 11 август.
На нив учествуваат 10.500 натпреварувачи кои ќе се натпреваруваат во 32 различни спортови, на настани на кои ќе се борат за 329 златни медали.
Параолимписките игри ќе се одржат од 28 август до 8 септември со учество на 4.400 натпреварувачи во 22 спорта и борба за 549 златни медали.
На овие Олимписки игри ќе учествуваат спортисти од 206 земји, а на Параолимписките игри 184 земји.
Париз претходно беше домаќин на летните игри двапати – во 1900 и 1924 година.
Последните летни Олимписки игри се одржаа во Токио во 2021 година, одложени за една година поради пандемијата на корона вирусот.
За време на Игрите во Париз се очекуваат повеќе од 15 милиони туристи.
Во центарот на Париз ќе има 15 олимписки и 11 параолимписки натпревари.
Триатлон, маратонско пливање и паратриатлон се предвидени да се одржат на реката Сена, додека главните атлетски настани ќе се одржат на Стад де Франс.
Но, прашање е дали ќе има пливачки натпревари во Сена бидејќи неодамна беше утврдено дека квалитетот на водата не е безбеден поради големото присуство на бактеријата ешерихија коли.
Во шест регионални градови ќе се организираат фудбалски натпревари.
Марсеј, град на брегот на Средоземното Море, ќе биде домаќин на пловењето, а Теахупо на Тахити, француска прекуморска територија во јужниот дел на Пацификот, ќе биде домаќин на сурфањето.
Организаторите велат дека Олимпијадата најмногу ќе ги користи постоечките или привремените капацитети за да се намалат трошоците и емисиите на јаглерод.
Според извештаите, подготовката на теренот ќе чини околу осум милијарди евра.
Во јули 2023 година, претседателот на организацискиот одбор рече дека буџетот е „под контрола“.
