Лидерите на ЕУ постигнаа договор: Урсула доби нов мандат, Каја Калас го замени Борељ, Коста на чело на Европскиот совет
Самитот на Европскиот совет заврши во Брисел, каде лидерите на ЕУ ја предложија актуелната претседателка на Европската комисија, Урсула фон дер Лајен за кандидат за нов мандат на чело на ЕК, естонската премиерка Каја Калас за кандидат за Високиот претставник на ЕУ за надворешна политика и безбедност, а поранешниот португалски премиер Антонио Коста за претседател на Европскиот совет.
Именувањето на Фон дер Лајен и Калас на функцијата претседател на Комисијата, односно шеф на европската дипломатија, сега мора да го потврди и Европскиот парламент. Од друга страна, самиот Европски совет го избира својот претседател
За време на самитот, лидерите разговараа и за ситуацијата во Украина, Блискиот Исток, безбедносните и одбранбените прашања, конкурентноста, како и миграцијата, Грузија, хибридните закани, Црното Море и поддршката за Молдавија.
Тие ја усвоија и стратешката агенда за периодот од 2024 до 2029 година, односно политичкиот план кој ја одредува насоката на дејствување и целите на ЕУ.
