Две лица се повредени во центарот на Сиднеј откако силните ветрови урнаа дрво во Хајд Парк. Брзата помош пренела едно лице во Св. Винсент со полесни повреди, додека на уште едно лице му била укажана лекарска помош. Бурните ветрови предизвикаа хаос на железничките линии и огромни бранови на градските плажи.
Дрвото koe паднало на шините во Св. Питерс предизвикува откажување на возната линија. На патниците им се препорачува да користат метро или автобус поради доцнење предизвикано од невремето. Исто така, неколку патишта беа затворени поради соборени дрвја и далноводи.
Екстремното време не го заобиколи ниту остатокот од земјава. Силните ветрови и дождот продолжуваат да предизвикуваат проблеми во Нов Јужен Велс, каде веќе се забележани голем број удари на гром, штети на имоти и земјоделски култури. Повеќе од 33.000 домаќинства и бизниси останаа без струја, додека невремето, придружено со огромен град и силен дожд, ја опустоши областа.
Во Западна Австралија, жителите се подготвуваат за пристигнување на тропски циклон кој ги загрозува крајбрежните области на Пилбара и Кимберли.
Метеоролошкиот институт предупредува дека циклонот може да достигне категорија 3, со ветрови посилни од 200 км/ч и обилни дождови. Иако еден послаб циклон ослабе, посилна формација му се заканува на брегот за време на викендот.
