Австралија ги преполови акцизите за гориво за да го ублажи ценовниот удар

Австралија ќе ги преполови акцизите на горивото како дел од мерките за ублажување на растечките трошоци за домаќинствата, соопшти владата.

— реклама —

Според најавите, данокот на горивото ќе биде намален за 26,3 центи по литар бензин, а мерката ќе важи до крајот на јуни.

— реклама —

Премиерот Ентони Албаниз изјави дека целта е директно да им се помогне на граѓаните во услови на растечки цени.

— реклама —

„Го преполовуваме данокот на горивото за три месеци за да ви заштедиме пари при точење. Конфликтите во странство ги зголемуваат цените дома, а знаеме дека Австралијците го чувствуваат притисокот“, порача Албаниз.

— реклама —

Паралелно со оваа мерка, австралиските држави Викторија и Тасманија воведоа привремен бесплатен јавен превоз, со цел да ги охрабрат граѓаните да го намалат користењето на автомобили поради високите цени на горивото.