Американскиот потпретседател: Се е на маса кога се во прашање преговорите со Русија
Американскиот потпретседател Џеј Ди Венс зборуваше на Конференцијата за политичко дејствување на конзервативците (CPAC) во 2025 година во Вашингтон, одговарајќи на прашања за американските врски со Европа и војната во Украина.
Во врска со врските со Европа, Венс рече дека САД ќе продолжат да имаат „важни сојузи“, но дека силата на тие односи зависи од тоа дали земјите ќе се движат во „вистинската насока“.
За војната во Украина, Венс истакна дека претседателот Доналд Трамп верува дека „сè е на маса“ кога станува збор за преговорите со Русија. Венс, исто така, го бранеше повикот на Трамп со Путин претходно овој месец, што предизвика силни реакции во САД и ширум светот.
„Како ќе ја завршите војната ако не разговарате со Русија?“, рече Венс и додаде дека „мирот е во интерес на САД и Европа“ и дека „Трамп ќе се бори за него до крајот на својот мандат“, додавајќи дека Трамп се залага за траен мир во Европа и верува дека „ние сме на работ на таков мир“.
