Гренланѓаните му порачаа на Трамп: „Не сакаме да бидеме Американци“
Од
Објавено на
Доналд Трамп во неколку наврати изјави дека сака да го направи Гренланд дел од САД, а тоа го повтори и синоќа во својот говор пред Конгресот, пренесува Sky News.
Тој го поддржа „правото на Гренланд да ја одреди сопствената иднина“, но додаде, донекаде заканувачки рече дека САД ќе го добијат островот „на овој или оној начин“.
Премиерот на Гренланд на ова одговори: „Не сакаме да бидеме Американци“.
„Гренланд е наш. Не сакаме да бидеме Американци, ниту Данци, ние сме Гренланѓани“, рече премиерот Муте Егеде.
„Американците и нивните лидери треба да го разберат ова. Ние не сме на продажба и не може да нè одземат. Нашата иднина одлучуваме ние на Гренланд“, додаде тој.
