Продолжува реализацијата на мерките што обезбедуваат намалување на трошоците и повеќе пари кај граѓаните.
Од овој месец, граѓаните кои се греат на парно, ќе плаќаат пониски сметки за затоплување, се вели во соопштението од СДСМ.
како беше донесена одлуката за намалување на ДДВ за топлинска енергија од 18 на 5 отсто, се овозможија услови за намалување на вкупните трошоци на потрошувачите на парно.
Според одлуката на Регулаторната комисија за енергетика, цената на парното во системот на БЕГ како најголем снабдувач со топлинска енергија во Скопје се намалува за 6 отсто.
Тоа значи дека секое семејство, приклучено на централното парно греење со стан со просечна квадратура, добива пониска сметка за околу 220 денари или на годишно ниво над 2000 денари заштедени пари во секое домаќинство, кое се грее на парно.
На ова намалување му претходеше и укинувањето на паушалот за парно на исклучените граѓани што неправедно го плаќаа со години. Тоа претставува уште едно намалување на месечните трошоци и враќање на парите кај граѓаните.
Паралелно со ова, Град Скопје ја доби на трајно користење, топловодната мрежа, со која ќе управува новоформираното претпријатие за дистрибуција на топлинска енергија и гас, Градски Енергетски Системи (ГЕС).
Ова претпријатије има за цел преку реални енергетски политики, одговорен пристап кон енергетската ефикасност и рационален пристап во комбинирањето на топлификациската и гасоводната мрежа низ градот да донесе големи придобивки за граѓаните.
Целта на Градот е парното греење да биде достапно за сите, со пониски сметки, да се запре досегашниот бран на исклучување и нивно повторно враќање во мрежата, но и привлекување на нови корисници, што позитивно ќе влијае на намалување на аерозагадувањето предизвикано од загревање на домовите.
Зборот важи!
Како одговорна партија остануваме посветени на обезбедување помали трошоци, повеќе пари кај граѓаните и реализација на мерките од Планот за чист воздух, се вели во соопштението од СДСМ.
