Бугарските власти открија криминална мрежа и покренаа обвиненија против четворица членови на таа група, поради регрутирање на сиромашни луѓе, кои за пари ги продавале своите бубрези. Тројца мажи и една жена се обвинети за регрутирање на донори на органи кои потоа стапувале во контакт со пациенти на кои им е потребно пресадување бубрези, изјави обвинителот од бугарското обвинителство Димитар Петров.
Трансплантациите се вршеле во болница во Турција, благодарение на фалсификуваните документи според кои пациентот и донорот се во сродство.
Најмалку пет пациенти добиле бубрези за трансплантација од февруари годинава. Пациентите плаќале меѓу 50.000 и 100.000 евра за трансплантација.
Инаку до сега годинава биле извршени 22 трансплантации на бубрези, додека на листата на чекање за пресадување се запишани 1.028 пациенти, соопшти бугарското министерство за здравство.