Премиерот Зоран Заев поднел оставка – јави предмалку италијанската агенција АНСА која се повикува на европски дипломатски извори.
Веста на агенцијата АНСА веќе ја пренесоа неколку европски и балкански медиуми.
Од Владата нема потврда ниту демант на оваа информација која се шири низ медиумите.
Вест дека Заев поднел оставка предмалку објави и руската агенција „Спутник“ која додава и дека Заев за оставката ги известил и амбасадорите во Скопје.
ВЛАДА: Штом бидат донесени конечните одлуки, јавноста веднаш ќе биде информирана.
„Премиерот оствари комуникација и со премиерите на Германија, Шведска, Бугарија, Словенија, Малта и други европски лидери, вклучително и со еврокомесарот Јоханес Хан. Од сите европски лидери стигна јасна порака, со поддршка државата да продолжи по патот по кој тргна, да продолжи со реформите и интеграциите. Сите оддадоа јасно признание за сите чекори кои ги презеде Северна Македонија и дека земјата и граѓаните се целосно подготвени, но дека неколку земји на ЕУ не се подготвени“, брифираат од Владата.
