Општина Брвеница доби нов градоначалник. Кандидатот на Националната алијанса за интеграција (НАИ), предводена од ДУИ, Аркин Јахиј, победи на предвремените локални избори, освојувајќи 265 гласа повеќе од противкандидатот Стојанчо Радичевски од коалицијата „Твоја Македонија“, предводена од ВМРО-ДПМНЕ.
Според првичните податоци на Државната изборна комисија, Јахиј освоил 4.442 гласа, односно 50,36 отсто, додека Радичевски добил 4.177 гласа или 47,36 проценти.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
На изборите во Брвеница гласале вкупно 8.820 граѓани, што претставува излезност од 54,29 отсто од запишаните избирачи.
Предвремените избори беа распишани по смртта на дотогашниот градоначалник Јовица Илиевски, кандидат на ВМРО-ДПМНЕ, кој почина на 23 јуни 2026 година, на 58-годишна возраст.
Во периодот до изборот на нов градоначалник, функцијата вршител на должноста ја извршуваше Роберт Милошески.
