„ВМРО-ДПМНЕ убедливо победи во Брвеница, очекуваме над 4.000 гласа во вториот круг“, рече Мицкоски за вчерашните избори

ВМРО-ДПМНЕ оствари убедлива победа во првиот круг од локалните избори во Брвеница, со предност од околу 800 гласа пред кандидатот на ДУИ и повеќе од четири пати поголема поддршка во споредба со СДСМ, изјави премиерот Христијан Мицкоски на денешната прес-конференција.

— реклама —

Тој оцени дека станува збор за значајна победа за партијата во Полошкиот регион и изрази очекување поддршката да се зголеми во вториот круг, кој треба да се одржи на 1 ноември.

— реклама —

— реклама —

Мицкоски им се заблагодари на жителите на Брвеница за поддршката од околу 3.000 гласа и рече дека очекува во вториот круг кандидатот на ВМРО-ДПМНЕ да освои повеќе од 4.000 гласа.

Тој нагласи дека партијата се обраќа до граѓаните од сите етнички заедници и им се заблагодари на сите што гласале за нејзиниот кандидат. Мицкоски посочи и дека станува збор за вонредни избори поради прераната смрт на Јовица.