Ауди, мопед и електричен тротинет учествувале во несреќа во Скопје: повреден мопедистот, возачот на тротинет избегал

Дваесет и тригодишен мопедист се здобил со тешки телесни повреди во сообраќајна несреќа што се случила на улицата „Ферид Мурати“ во Скопје, соопшти Министерството за внатрешни работи.

— реклама —

Според информациите од МВР, несреќата била пријавена на 3 јули во 22:00 часот. Во неа учествувале патничко возило „ауди“ со тетовски регистарски ознаки, управувано од Б.У. (25) од село Мала Речица, тетовско, мопед со скопски регистарски ознаки, управуван од А.Р. (23) од Скопје, како и електричен тротинет, чиј возач го напуштил местото на настанот.

— реклама —

— реклама —

Во несреќата, возачот на мопедот А.Р. се здобил со тешки телесни повреди, кои биле констатирани во ЈЗУ „Св. Наум Охридски“ во Скопје.

— реклама —

Увид на местото на настанот извршила увидна екипа од СВР Скопје.