Авион на нигериското воено воздухопловство се урна, загинаа 20 патници и петмина членови на екипажот

Сите 25 лица во авионот на нигериското воено воздухопловство загинале откако леталото се урнало во државата Ондо, на југот на Нигерија, за време на рутински лет кон Лагос.

— реклама —

Во авионот од типот ATR-42 се наоѓале 20 патници и петмина членови на екипажот. Леталото за време на летот исчезнало од радарот, по што било пронајдено урнато во близина на поморска база во градот Игбокода.

— реклама —

Нигериското воено воздухопловство соопштило дека нема преживеани.

— реклама —

Претходно, министерот за авијација Фестус Кејамо изјавил дека во авионот имало 32 лица. Засега нема објаснување за разликата меѓу овој податок и подоцна објавените официјални информации од воените власти.

Околностите под кои дошло до падот засега не се познати. Се очекува да биде започната истрага која треба да ги утврди причините за несреќата.