Крвав напад во Нигерија: Убиени доброволец и десет членови на неговото семејство, киднапирани уште 13 лица

Најмалку 11 лица од едно семејство биле убиени, а уште 13 киднапирани при вооружен напад врз село во сојузната држава Замфара, на северозападот на Нигерија, соопшти полицијата.

— реклама —

Меѓу убиените се припадник на локалното доброволно обезбедување и 10 членови на неговото семејство. По нападот, вооружените напаѓачи ги запалиле нивните тела, а потоа киднапирале уште 13 лица.

— реклама —

Портпаролот на полицијата, Јазид Абубакар, изјави дека нападот се случил во селото Гидан Таба, во областа Марадун. Според него, доброволецот повеќепати им помагал на безбедносните сили да спречат упади на криминални банди, поради што напаѓачите го сметале за пречка во нивните активности.

— реклама —

Безбедносните сили се распоредени во областа и работат на ослободување на киднапираните лица.

— реклама —

Северозападниот дел на Нигерија со години се соочува со напади на вооружени банди, кои упаѓаат во села, убиваат жители, киднапираат луѓе за откуп и ограбуваат домови.