Австралија привремено го забранува влезот за ирански туристи

Австралија привремено го стопира влезот во земјата за државјани на Иран со туристички визи, соопшти министерот за внатрешни работи во средата. Тој објасни дека постои ризик привремените посетители од Иран „можеби нема да можат или веројатно нема да сакаат да ја напуштат Австралија по истекот на визата“. Забраната, која стапува на сила в четврток, ќе важи следните шест месеци, пишува CNN.

— реклама —

Сепак, некои Иранци ќе можат да патуваат во Австралија. Забраната не се однесува на оние со долгорочни визи, ниту на лица кои во земјата имаат деца или брачни партнери.

— реклама —

„Владата постапува во национален интерес во услови на глобални промени кои се случуваат многу брзо“, порача министерот Берк.

Според неговите податоци, околу 7.000 ирански државјани во моментов поседуваат австралиска туристичка виза.

— реклама —

Оваа одлука следува откако Австралија претходно овој месец им одобри политички азил на седум членки на иранската женска фудбалска репрезентација. Пет спортистки, сепак, во меѓувреме се предомислиле и го повлекле своeтo барање.

— реклама —

Сенаторот Дејвид Шобриџ, ја оцени одлуката на владата како „брутална и неправедна одлука чија цел е да се спречат Иранците да побараат заштита на австралиска територија, како што тоа го направија членките на иранската женска фудбалска репрезентација“.