Автомобил и мопед се судрија во Ресен, мотоциклистот заврши со тешки повреди

Во сообраќајна несреќа што се случила вчера попладне во Ресен, тешко е повреден 48-годишен мопедист.

Од Министерството за внатрешни работи информираат дека на 28 јуни во 17:25 часот во ОВР Ресен било пријавено дека на крстосницата меѓу улиците „Кочо Рацин“ и „Христо Герасовски“ се случила сообраќајна несреќа.

— реклама —

Во несреќата учествувале патничко возило „Мерцедес“ со ресенски регистарски ознаки, управувано од Љ.Н. (22) од селото Дрмени, ресенско, и мопед со ресенски регистарски ознаки, управуван од М.Т. (48) од Ресен.

— реклама —

Во судирот, мопедистот се здобил со тешки телесни повреди, констатирани во Клиничката болница во Битола.

— реклама —

Увид на местото на несреќата извршила увидна екипа на ОВР Ресен.