Автомобил излетал од коловозот и се забил во столб во Хрватска: Две лица го загубија животот

Две лица го загубиле животот во тешка сообраќајна несреќа што се случила рано утрово на патот меѓу Загреб и Велика Горица, пренесуваат хрватските медиуми.

— реклама —

Според првичните информации, несреќата се случила околу 4:30 часот, кога автомобилот излетал од коловозот и со голема сила удрил во столб за јавно осветлување.

— реклама —

Од здобиените повреди, на местото на несреќата починале две лица. По несреќата, на терен пристигнале полициски екипи и екипи на итната медицинска помош, а сообраќајот бил отежнат додека траел увидот.

— реклама —

Засега не се познати причините поради кои возачот ја изгубил контролата над возилото, ниту се објавени информации за идентитетот на загинатите.

— реклама —

Полицијата спроведува истрага за да се утврдат сите околности и причините што довеле до трагичниот настан.