Три лица, меѓу кои и две малолетни деца, се здобиле со тешки телесни повреди во сообраќајна несреќа што се случила на патот Охрид–Подмоље, кај клучката „Свети Еразмо“.
Според информациите од Министерството за внатрешни работи, несреќата се случила на 1 јули околу 16:20 часот, кога патнички автомобил „Опел“ со струшки регистарски таблички, управуван од 70-годишниот С.М. од струшкото село Подгорци, излетал од коловозот и удрил во метален електричен столб.
Во несреќата тешко се повредени возачот, како и две малолетни лица на возраст од 14 и 16 години, исто така од селото Подгорци. Повредените биле пренесени во Специјалната болница „Свети Еразмо“ во Охрид, каде што им биле констатирани тешки телесни повреди.
По наредба на јавен обвинител, увид на местото на несреќата извршиле полициски екипи, а се утврдуваат причините за сообраќајната незгода.
