Автомобил излетал од патот Тетово–Гостивар, четворица повредени

Четири лица од Дебар се повредени во сообраќајна незгода што се случила на патот Тетово–Гостивар.

— реклама —

Според информациите од МВР, незгодата се случила на 6 октомври во 22:25 часот, кога патничко возило „ауди“, со дебарски регистарски ознаки, управувано од 28-годишниот А.М. од Дебар, излетало од коловозот.

— реклама —

Во незгодата, сопатникот А.Ф. (18) се здобил со телесни повреди, кои биле констатирани во Ургентниот центар во Гостивар.

— реклама —

Поради тежината на повредите, возачот А.М. и сопатниците Е.Б. (18) и А.М. (19), исто така од Дебар, биле пренесени во Комплексот клиники „Мајка Тереза“ во Скопје. По дополнителните испитувања, кај Е.Б. биле констатирани тешки телесни повреди, додека кај А.М. биле утврдени телесни повреди.

— реклама —

Увид на местото на сообраќајната незгода извршила екипа од ОВР Гостивар.