Автомобил удрил во бетонски столб во Кичево, тешко повредена 71-годишна сопатничка

Две лица се повредени во сообраќајна несреќа што се случила на улицата „Влашки пат“ во Кичево, откако патничко возило удрило во бетонски столб од куќа. Едната сопатничка се здобила со тешки телесни повреди.

— реклама —

Според информациите од Министерството за внатрешни работи, несреќата била пријавена на 13 октомври 2026 година, во 13:20 часот, во ОВР Кичево.

— реклама —

Во несреќата учествувало патничко возило „форд“ со кичевски регистарски ознаки, управувано од 44-годишниот Б.М. од селото Шутово, кичевско, кое удрило во бетонски столб од куќа.

— реклама —

Со тешки телесни повреди се здобила 71-годишната сопатничка Љ.М., додека 75-годишниот сопатник С.М., исто така од селото Шутово, се здобил со телесни повреди. Повредите биле констатирани во Медицинскиот центар во Кичево.

— реклама —

На местото на несреќата бил извршен увид од увидна екипа на ОВР Кичево.