Шеесет и шестгодишен пешак се здобил со тешки телесни повреди во сообраќајна несреќа што се случила во близина на селото Долни Манастирец, на подрачјето на Македонски Брод.
Според информациите од Министерството за внатрешни работи, несреќата била пријавена на 19 јуни во 21:35 часот во ОВР Македонски Брод. Во неа учествувало патничко возило „Тојота“ со регистарски ознаки од Македонски Брод, управувано од М.А. (41) од Македонски Брод, кое удрило во пешакот Д.В. (66) од селото Могилец.
Во несреќата пешакот се здобил со тешки телесни повреди, кои биле констатирани во Јавната здравствена установа во Македонски Брод.
Увид на местото на настанот извршила увидна екипа на ОВР Македонски Брод, а надлежните работат на целосно расчистување на околностите под кои се случила несреќата.
