Заев: Ако нема двотретинско мнозинство избори во ноември

Ова е прилика да им се заблагодарам на сите граѓани, и на тие што гласаа и на тие што не гласаа.Упатувам благодарност и на членовите од вмро дпмне кои што и покрај притисоците излего на гласање.Граѓаните кажаа едно големо да, сега кога имаме мнозинска изразена волја за европска Македонија граганите да ги следат процесот, и да работат за заедничка цел и да е одведеме нашата земја таму каде што припаѓа во еу и нато изјави на пресконференција премиерот Зоран Заев.Алтернатива за еу и нато нема, да не си играме со нашата иднина да ги ставиме националните интереси на и пред се. Ова е време кога заедништвото на политичките претставници е најбитно. Друга демократска алатка во спротивно која преостанува, се предвремени парламентарни избори.Мнозинство од излезените граѓани гласаа за, и немам намера да поднесам оставка.

Македонија | пред 7 години

За Хан референдумот е успешен, повика пратениците да гласаат “за” договорот со Грција

Еврокомесарот за проширување Јоханес Хан се огласи во Брисел за исходот од референдум:– Им честитам на оние кои гласаа денеска на консултативниот референдум и ги искористија своите демократски слободи. Со значајното „да“ има широка поддршка за Преспанскиот Договор и евроатлантската иднина на земјата – напиша Хан на Твитер.Сега, додаде тој, очекувам сите политички лидери да ја почитуваат оваа одлука и да ја спроведат со голема одговорност и единство ширум партиските линии во интерес на земјата, повика Хан.

Свет | пред 7 години

Нема фотографија

ДИК ги почасти пица присутните кои го следат референдумот

Вечерва во седиштето на Државната изборна комисија се присутни голем број на домашни и странски медиуми кои во текот на целиот ден ги исчекува резултатите од референдумот.ДИК одлучи да ги почасти медиумите, но и сите вработени со пица од позната скопска пицерија. Освен пица, присутните добија и кафе и вода.

Македонија | пред 7 години

Според грчкото МНР, Грција останува обврзана кон договорот од Преспа

Во соопштението се наведува дека „Грција одблиску, но со соодветна дистанца, ги следи случувањата“, а исто така, „останува обврзана кон Договорот од Преспа“.„Резултатот од референдумот во Поранешната Југословенска Република Македонија, како консултативен, а не дел од обврзувачките услови од Договорот од Преспа, е контрадикторен. Големо преовладување за „ЗА”, но без соодветна  излезеност. Голем дел од општеството на соседната земја го поддржаа Договорот. Но, еден важен дел го гледа со скептицизам. Грција го почитува изборот на граѓаните на Поранешната Југословенска Република Македонија“, соопштија од МНР.Од таму додаваат дека „климата на национализам и сомнеж, секојдневните лажни вести и фанатизмот, не дозволувале да се направи трезвена проценка на големите придобивки од Договорот и го спречуваат взаемното разбирање меѓу народите.“„Следните чекори потребна е трезвеност од сите страни, независно, за да се обезбеди позитивна динамика на Договорот од Преспа“, се додава во соопштението.

Свет | пред 7 години

За Каменос референдумот е неважечки поради малиот одѕив

Денес на Твитер, грчкиот министер за одбрана, Панос Каменос, напиша дека референдумот во „ФИРОМ“  е „неважечки“ поради малиот одѕив.Лидерот на партијата Независни Грци (АНЕЛ) изјави дека неговата партија никогаш не би гласала за ратификација на Преспанскиот договор.Според последните резултати од ДИК излезеноста на референдумот беше 453 954 односно 35,76%.

Свет | пред 7 години

Талат Џафери: Денеска не гласав, моето име го немаше на избирачкиот список

Претседателот на Собранието Талат Џафери ги искажа своите импресии по референдумот одржан денеска во Македонија. Првиот човек на Собранието не гласаше на референдумот поради тоа што неговото име го немало на избирачкиот список.„Не можев да го искористам демократското право, моето име не беше на избирачкиот список. Се надевам дека се работи за изолиран случај, и дека немало други вакви случаи“, изјави Џафери.Тој истакна дека референдумот ќе биде основ за идните процеси кои ја очекуваат земјата во идниот период.„Граѓаните денеска со референдумот ги поставија темелите на иднината на Македонија. Се надевам дека ова е една подобра иднина и овој ден ќе биде основа за идните процеси кои нè очекуваат во следниот период. На крај дозволете ни да им честитам на граѓаните за овој значаен ден“, рече Џафери.tv21.mk

Македонија | пред 7 години

Мицкоски: Граѓаните ја испратија најгласната порака – Ова е Македонија!

„Граѓаните кои гласаа против договорот и оние кои oдбраа да апстинираат, ја испратија најгласната порака, ова е Македонија.Овде живеат Македонци, нашиот идентитет е македонски, нашиот јазик е македонски, нашите предци биле Македонци“, кажа Мицкоски заблагодарувајќи се на граѓаните.

Македонија | пред 7 години

Мицкоски: Заев нека не се подготвува за предвремени избори, туку за пензија

„Тоа што не успеа овој договор е вина на Заев и Владата. Заев ја лажеше меѓународната заедница. Договорот со Грција доби стоп од народот. Народот на Македонија кои се сопственици на оваа држава покажа патриотска свест. Граѓаните кои гласаа против договорот и оние кои одбраа со молчење да кажат што мислат, ја испратија најголемата порака, ова е Македонија“, рече лидерот на опозицијата, Христијан Мицкоски.Два месеци ширевте невистини, два месеци книжевте нарачани анкети. Колектива хипноза за народот. Велевте дека сте се договориле со мене, па дека ќе сте ме исфрлеле од белата палата и тн. Еве стојам и ви кажувам. Македонија ќе победи“, рече Мицкоски. Македонскиот народ покажа мудрост и не дозволија да бидат заведени, вели Мицкоски, кој додаде, дека таа волја ВМРО-ДПМНЕ ќе ја следи. Околу членството во ЕУ и НАТО, тој рече дека тоа се стратешки приоритети, ама народот има други приоритети како што е името на оваа држава.

Македонија | пред 7 години

Али Ахмети: Референдумот е консултативен, одлуката да ја донесе Собранието

„Ова е важен ден за сите граѓани, за нашите институции, за демократијата во државата. Ние денеска демонстриравме демократија, неопходен процес за влез во НАТО Алијансата и Европската унија. Станува збор за процес за затворање на прашањето со Грција“, изјави Ахмети и додаде:„Сакаме да кажеме дека Собранието треба да ја донесе важната одлука за Договорот со Грција. Ние ќе гласаме ЗА. Кога беа изборите во 2016-та година кажавме дека сме за НАТО. Затоа го добивме мандатот, ние немаме друга алтернатива. Референдумот е консултативен“, изјави Али Ахмети.

Македонија | пред 7 години

Заев најави и итни предвремени избори доколку пратениците на ВМРО ДПМНЕ не ја поддржат волјата на граѓаните.

Премиерот Зоран Заев предмалку го нарече денешниот ден како успех за демократијата и успех за европска Македонија.Сега е следна волјата на граѓаните да биде испочитувана од страна на пратениците од ВМРО ДПМНЕ.Премиерот Зоран Заев го обвини ВМРО ДПМНЕ за организиран бојкот.Заев најави и итни предвремени избори доколку пратениците на ВМРО ДПМНЕ не сакаат да ја поддржат волјата на граѓаните.

Македонија | пред 7 години

Нема фотографија

Богдан Илиевски-Бетмен по референдумот: Оган да го гори тој што ќе те прекрстува

Членот на Извршниот комитет на ВМРО-ДПМНЕ, Богдан Илиевски, кој е во домашен притвор поради инцидентите во Собранието на 27 април се огласи на социјалните мрежи по референдумот.Тој сподели композиција од Гоце Николовски и порача „Оган да го гори тој што ќе ми збори да те оставам, да заборавам, Македонијо“Оган да гори Тој што ќе ми збори Да те оставам Оган да го гори Тој што ќе ми збори Да заборавам, Македонијо Каде да сум таков сум Не се давам никому Каде да сум таков сум Не се давам никому Да те крсти прекрстува Нека тепа отепува Македонијо Еееееј, жива да си Македонијо

Македонија | пред 7 години

„Бојкотирам“ се собираат пред Собрание, позади нив силно обезбедување

Големо полициско обезбедување позади Собранието, во пресрет на протестот на „Бојкотирам“. Поддржувачите веќе се собираат, а ќе има и обраќања. На булеверот пред македонскиот парламент веќе е наместена бина за говорници, поради што е блокиран сообраќајот, а може да се забележи и големо полициско обезбедувбање.

Скопје | пред 7 години

До 18:30 часот излегле вкупно 519,435 граѓани, односно 34,09%

Од Државната изборна комисија соопштија дека до 18:30 часот гласале 519:435  гласач или 34,09 отсто од запишаните избирачи во Избирачкиот список, а од обработените 84,83проценти од гласачките места. Дерковски рече дека сликата од референдумот е добра и апелира да не се дозволи да биде нарушена.Вкупно во МВР до 18 часот се регистрирани 26 инциденти. Во Гостивар е приведена сестра на пратеничка, која заедно со уште едно лице сликала гласачи.Најмногу од нерегуларностите отпаѓаат на навредување на избирачи, нивно фотографирање и нелегално снимање. Во шест случаи гласачи го фотографирале или скинале ливчето, жена во општина Центар за снимање користела пенкало со вградена камера.„Пристигнаа уште неколку приговори до ДИК, Комисијата ги разгледа и сите беа едногласно одбиени бидејќи нема законит основ да бидат прифатени“, рече претседателот Дерковски.Се работи за луѓе што не се нашле на Избирачкиот список, менувале лични документи или не ги поседувале или, пак, не го искористиле правото да бидат запишани во Избирачкиот список, додаде Дерковски.Државната изборна комисија (ДИК) апелираше до сите изборни органи, вклучени во процесот на организација и спроведување на референдумот, својата работа да ја извршуваат професионално и одговорно, во согласност со законските процедури.Акредитираните набљудувачи при вршењето на набљудувањето, како што потенцираа од ДИК, се должни да се придржуваат на правилата и процедурите од Кодексот за набљудување на Референдумот 2018 и доследно да ги применат законските прописи кои произлегуваат од Кодексот.Набљудувачите се должни да ги познаваат и почитуваат одредбите на Изборниот законик, Законот за референдум и други облици на непосредно изјаснување на граѓаните и Кодексот за набљудување на референдумот и да се придржуваат кон одредбите со кои се уредува постапката за спроведување на референдумот, да се непристрасни во извршувањето на своите должности при што не смеат да изразат пристрасност кон изборните органи, да носат на видно место овластување – беџ издаден од ДИК, како и лична исправа и своите заклучоци треба да ги засноваат на документирани и во потврдени факти.Од ДИК, исто така, потенцираат дека акредитираните набљудувачи при спроведување на процедурата за референдумот не смеат да влијаат на кој било начин во постапката на денот на изјаснувањето на референдумот, како и во постапката при броење на гласовите, не смеат да носат партиски симболи и ознаки, да им даваат упатства на гласачите, изборните органи, овластените претставници и овластените службени лица и да влијаат на работата и одлуките на изборните органи.

Македонија | пред 7 години

“Бојкотирам” подготвени за прослава пред Собрание

Граѓанската иницијатива “Бојкотирам” веќе се подготвува за прослава пред Собрание. Според ДИК излезеноста на референдумот е нешто повеќе од 29% . За да се исполни цензусот на референдумот треба на гласање да излезат повеќе од педесет проценти од запишаните гласачи. Според нашите информации ќе се слави пред Влада во организација на владеачката СДСМ.

Скопје | пред 7 години

Нема фотографија

Три нови референдумски инциденти: Девојка фотографирала со камера поставена на пенкало

Од полицијата информираат дека се преземаат мерки за расчистување на случај во ОУ „Кочо Рацин“ во Скопје, откако добиле пријава од Општинската изборна комисија дека во основното училиште во Скопје дека девојка гласала со пенкало, на кое имало камера, и при тоа таа како што се наведува во соопштението, го сликала гласачкото ливче или присутните во просторијата, полициски службеници излегле на местото на настанот и се преземаат мерки за расчистување на случајот.МВР добила пријава дека во околината на основното училиште „Песталоци“ во Скопје се попречувале граѓаните кои оделе на гласање и биле фотографирани, полициски службеници излегле на местото на настанот и по преземени мерки било утврдено дека се работи за 28-годишен скопјанка, таа била приведена во полициската станица во Центар за понатамошна постапка.Од полицијата велат дека по добиена пријава на гласачкото место 2664 во основното училиште „Кузман Јосифовски Питу“ во Скопје, две лица се повикани во полициска станица. Имено, како што информираат од МВР во 13:05 часот едно непознато лице фотографирало ливче на друго лице, по што го напуштило гласачкото место преземени се мерки и активности и лицата кои биле на возраст од 28 и 36 години се повикани во полициска станица.

Скопје | пред 7 години

Нема фотографија

„Катимерини“: Слаб одзив на референдумот во Македонија

Шест часа по отворањето на гласачките места одзивот на граѓаните е слаб, коментира „катимерини“. Весникот ја споделува информацијата од Државната изборна комисија на Македонија која покажува дека до 13 часот на гласачките места се појавиле само 16 проценти од гласачите запишани во избирачкиот список.Катимерини потсетува дека на парламентарните избори во 2016 година излезноста во првите шест часа од гласањето била безмалку 35 проценти.

Свет | пред 7 години

Нема фотографија

(ФОТО) Меѓународните медиуми го најавуваат пропаѓањето на референдумот

Светските медиуми пишуваат дека на референдумот за договорот меѓу Македонија и Грција, со кој се предвидува промена на уставното име и Уставот на Република Македонија, му се заканува пропаѓање, пишува Курир.мк„Fox News“ пишува дека од ДИК соопштиле дека излезеноста на референдумот за промена на името на Македонија, е 16 проценти на шест часа пред затворањето на избирачките места.Македонците гласаат за тоа дали да го прифатат договорот со соседна Грција, според кој ќе го променат името на нивната земја во Северна Македонија и Грција ќе ги избрка своите приговори за пристапувањето на земјата во НАТО, се вели во текстот на „Fox News“.Во текстот се вели дека Владата, која го распишала референдумот, го стави како необврзувачки, со што резултатот може да се земе како точен одраз на јавното мислење без оглед на одзивот.Во текстот на „Emerging Europe“ се објаснува за што денеска гласаат граѓаните на Република Македонија, а и се вели дека она што го прави овој референдум уште поважен е фактот што излезноста ќе одлучи за валидноста на резултатот.-Илезноста на повеќе од 50 проценти би го направил резултатот законски валиден и ќе обезбеди подобра  имплементација на договорот од Преспа. За ова да се случи, од 1.806.000 запишани гласачи, повеќе од 903.000 илјади треба да излезат и да гласаат, се вели во текстот.Таму се вели дека во еден часот излезноста е помала од очекувањата- само 15,78 проценти. Исто така, потенцираат дека тој период највисока излезност имало во центарот на Скопје, со 26,29 проценти, потоа во Карпош со 23,97 проценти и Крива Паланка во близина на границата со Бугарија, со 22, 36 проценти.

Свет | пред 7 години

Нема фотографија

Сообраќајка на Стража

Од АМСМ известуваат дека поради сообраќајка на патот Гостивар – Стража, сообраќајот во моментов се одвива по една коловозна лента.МВР е на местото на настанот и прави увид во овој случај, и се очекува побрзо расчистување на сообраќајот и нормализирање на истиот на овој патен правец.

Македонија | пред 7 години

Нема фотографија

Малолетник фотографирал во избирачка просторија

Во СВР Скопје било пријавено дека на гласачко место во селото Визбегово, семејство дошло на гласање со малолетниот син кој фотографирал во просторијата.Жител од селото Брвеница пријавил дека кога одел на гласање со неговата сопруга, од страна на В.С. му биле упатувани навредливи зборови. Во кординација со јавен обвинител се преземаат мерки за расчистување на случајот.Во СВР Тетово пријавено е дека во близина на училиштето "Гоце Делчев" во Тетово повеќе лица вршеле снимање и фотографирање на гласачи. Во ОУ „Братство" во Скопје Б.С. заменик член на избирачкиот одбор, омаловажувал полициски службеник.Во СВР Струмица било пријавено дека во близина на училиштето „Кирил и Методиј" во радовишко село Ораовица, пронајдени се летоци со содржина поврзана со референдумот.Во дворот на основното училиште „Живко Брајковски“ во Скопје, З.Ј.(42), кој имал беџ на наблудувач и Г.Ж.(38), го нарушиле јавниот ред и мир со меѓусебно карање, викање и непристојно однесување. По преземени мерки, двајцата биле приведени во ПС Чаир и се работи на расчистување на случајот.

Македонија | пред 7 години

Апасиев: Нема да има цензус, излезноста ќе биде од 32% до 35%

Професорот и член на презедиумот на партијата Левица, Димитар Апасиев, на социјланите мрежи напиша дека според нивниот аналитички центар, нема да биде исполнет цензусот на референдумот. Според него, излезноста ќе биде од 32% до 35%.Државната изборна комисија на прес конференцијата одржана во 15:30 информираше дека излезноста до 15 часот е 22,56, односно гласале околу 334 илјади граѓани.Просекот на излезност е од 90% од гласачките места.Државната изборна комисија (ДИК) апелираше до сите изборни органи, вклучени во процесот на организација и спроведување на референдумот, својата работа да ја извршуваат професионално и одговорно, во согласност со законските процедури.

Македонија | пред 7 години

До 15 часот излезени се 334,075 избирачи односно 22,56%

Државната изборна комисија на прес конференцијата одржана во 15:30 информираше дека излезноста до 15 часот е 22,56, односно гласале околу 334 илјади граѓани.Просекот на излезност е од 90% од гласачките места.Државната изборна комисија (ДИК) апелираше до сите изборни органи, вклучени во процесот на организација и спроведување на референдумот, својата работа да ја извршуваат професионално и одговорно, во согласност со законските процедури.Акредитираните набљудувачи при вршењето на набљудувањето, како што потенцираа од ДИК, се должни да се придржуваат на правилата и процедурите од Кодексот за набљудување на Референдумот 2018 и доследно да ги применат законските прописи кои произлегуваат од Кодексот.Набљудувачите се должни да ги познаваат и почитуваат одредбите на Изборниот законик, Законот за референдум и други облици на непосредно изјаснување на граѓаните и Кодексот за набљудување на референдумот и да се придржуваат кон одредбите со кои се уредува постапката за спроведување на референдумот, да се непристрасни во извршувањето на своите должности при што не смеат да изразат пристрасност кон изборните органи, да носат на видно место овластување – беџ издаден од ДИК, како и лична исправа и своите заклучоци треба да ги засноваат на документирани и во потврдени факти.Од ДИК, исто така, потенцираат дека акредитираните набљудувачи при спроведување на процедурата за референдумот не смеат да влијаат на кој било начин во постапката на денот на изјаснувањето на референдумот, како и во постапката при броење на гласовите, не смеат да носат партиски симболи и ознаки, да им даваат упатства на гласачите, изборните органи, овластените претставници и овластените службени лица и да влијаат на работата и одлуките на изборните органи.Според најновите податоци од ДИК, највисок одѕив има во општините Сарај 36,57 проценти, Центар – 34,51 отсто, Карпош – 32,24 проценти, Липково – 30,42 отсто.Најнизок одѕив има во Ново село 9,97 отсто, Илинден – 10,49 проценти и Босилово – 11,44 отсто.Најголем дел од пријавите, како што рече претседателот на ДИК, се однесуваат на лица на кои им истекла важноста на личните карти или некои во меѓувреме станале полнолетни и извадиле нови лични карти, поради што, системот ги нема евидентирано и неможат да гласаат. Дерковски рече дека овие пријави се одбиени, бидејќи системот е затворен и нема рок за да може да се интервенира.Тој им се заблагодари на граганите за демократскиот пристап и почитување на законите при изразувањето на нивното гласачко право, но и на институциите во справувањето со малите инциденти за време на гласачкиот ден. Им порача на оние кои го нарушуваат редот и мирот, дека за нив ќе следат санкции.

Македонија | пред 7 години

Нема фотографија

Жаклина Пешевска: Не е точно дека сум гласала на референдумот!

Пратеничката од ВМРО-ДПМНЕ, Жаклина Пешевска ги демантираше информациите дека гласала на денешниот референдум.Во одредени медиуми се појави вест дека пратеничката на ВМРО-ДПМНЕ, Жаклина Пешевска гласала денеска на референдумот. Овие информации таа ги демантира во изјава за Курир.-На одредени портали прочитав дека сум гласала на референдумот, тие информации не се точни. Ги демантирам овие информации кои беа објавени во одредени медиуми, изјави за Курир пратеничката Пешевска.Информацијата дека Пешевска гласала на денешниот референдум ја пренесе истражувачот од „Евротинк“, Андреја Стојковски. 

Македонија | пред 7 години

Откриени причините за двојното убиство на Рузвелтова

Нерасчистени должничко-доверителски односи и меѓусебни закани меѓу довчерашни ортаци во нелегални бизниси се можна причина за класичната ликвидација во петокот ноќта во центарот на Скопје, сметаат запознаени извори, пренесе Вечер.Првата жртва што почина во синоќешната гангсетрска бркотница со автомобили престрелка на „Рузвелтова” е Наим Ајети, кој е брат на познат скопски криминалец Џелал Ајети – Џељо, кој беше, исто така, ликвидиран изрешетан во својата чајџилница во населбата Ченто пред пет години.Според соговорниците сега убиениот Наим Ајети го наследил својот брат на чело на криминална група, којашто се нарекувала „Беланоча” и продолжил со криминалите за кои претходно бил гонет и осомничен неговиот брат.Еден од можните мотиви според сомневањата на лица запознаени со функционирањето на скопското подземје, е можеби пресметка за превласт во подземјето меѓу неколку криминални групации.Меѓутоа, постојат и мислења дека станува збор за нарачана ликвидација на Наим Ајети, од негов поранешен ортак во „бизнисот” кој му должел 75.000 евра, кои сега убиениот ги барал со закани по животот на должникот, на што исто така му било возвраќано со смртни закани. Извор Курир мк

Македонија | пред 7 години

Нема фотографија

(ФОТО) Бојкотирачите ги фотографираат граѓаните на гласачко место

На социјалната мрежа Твитер, членовите на иницијативата „Бојкотирам“ се „пофалија“ дека само од Скопје имаат фотографии од 450 граѓани, кои ги нарекуваат предавници и дека нивните фотографии ќе ги објавуваат од 17 часот.Ова е уште еден доказ дека се прекшува тајноста на гласањето, и е груб обид да се заплашат и етикетираат граѓанките и граѓаните кои излегуваат на гласање.ЦИВИЛ апелира до надлежните институции да реагираат на секој обид да се спречи демократското право, правото на глас.

Македонија | пред 7 години

МВР: Пријавени три нови инциденти за време на референдумот

На избирачко место бр.2539/1 во Основното училиште „Његош“ во Колонија пријавено е дека едно лице го фотографирало своето гласачко ливче, информираа од МВР.За инцидентот бил известен Јавен обвинител, a 55-годишното лице е во полициска станица за расчистување на случајот, додаваат од МВР.Од МВР додаваат дека во СВР Тетово, пак, набљудувач од невладина организација пријавил дека наспроти ОУ „Гоце Делчев“ во Гостивар повеќе лица вршеле неовластено снимање и фотографирање на гласачи, и за овој настан, велат, известен е Јавен обвинител, а две лица се приведени во врска со овој случај. Од полицијата велат дека се работи на расчистување на случајот.Инцидент бил пријавен и во полициската станица во Кочани, 54-годишен жител од Кочани пријавил дека пред гласачко место број 852, пред Домот на културата во Кочани, бил навредуван од страна на непознато лице бидејќи одел да гласа. По преземени мерки, утврдено е дека се работи за лице од Кочани и тој бил повикан на разговор во полициската станица, соопштија од МВР.

Македонија | пред 7 години