Милошоски со обвинувања за обвинителката Коларевиќ и предметот за мазут од 167 милиони евра

Денес ќе изнесеме два податоци кои упатуваат на блискоста на обвинителката Коларевиќ, со моминско презиме Маркова, со партиите СДС и ДУИ. Таткото на Коларевиќ, Павле Марков, е избран за државен правобранител од владата на СДС во 1998 г. Мајката на обвинителката Колеревиќ, Вера Маркова, во 2004 од коалицијата СДС и ДУИ е избрана за уставен судија. Овие фамилијарни кариери на родителите во семејството Коларевиќ се цврсто поврзани со политичките номинации на владите на СДС, вели Антонио Милошоски, член на ИК на ВМРО-ДПМНЕ и пратеник.„Прашањето е дали затоа обвинителката Коларевиќ , за осомничени како Васко Ковачевски, Адријан Муча, Асмир Јахоски и други блиски до Ахмети, Заев и Филипче, не постапувала со мотив да ја открие вистината, туку со мотив да го заташка предметот Мазут тежок 167 милиони евра.Обвинителката Коларевиќ, која што е блиска до СДС и ДУИ, добро знае дека во економскиот криминал, како што е случајот со ТЕЦ Неготино, штетата се утврдува со економско вештачење, а не со изјава дадена од некомпетентен или поткупен сведок или вработен во ЕСМ. Ваквото селективно постапување им дава повластена позиција на осомничените Васко Ковачевски, Адријан Муча, Асмир Јахоски и другите, а го деградира владеењето на правото.И самото ЕСМ во соопштение јасно кажува дека тие коишто биле испитани во постапката, не биле ниту одговорни лица, ниту компетентни лица да проценат штета и да утврдат економски криминал со мазутот во ТЕЦ Неготино. Но, со прекинувањето на истрагата за овој 167 милионски евра скандал со силни индиции за перење на пари и тендерски криминал станува јасно дека решението на Абази и Коларевиќ не е поткрепено со правно-обвинителски аргументи, но веројатно е добро подмачкано со прескап мазут.За да имаме владеење на правото и за довербата во правосудството да биде поголема од 2%, треба и обвинителите да подлежат на професионална, на дисциплинска, па и на кривична одговорност, кога има докази за истото.Дали Коларевиќ како обвинителка поради свои интереси и насоки од блискиот до ДУИ, Ислам Абази, кои што доѓаат од врхушката на СДС и ДУИ, односно од Ахмети, Заев и Филипче, ја сопреа постапката за овој случај вреден 167 милиони евра?Јавноста има право да знае, а Советот на јавни обвинители има обврска да се позанимава со професионалното или непрофесионално работење на обвинителите Абази и Коларевиќ“, додава Милошоски.

Македонија | пред 3 дена

Полицијата го уапси возачот кој ја прегази 22-годишната девојка во Загреб

Возачот за кој полицијата се сомнева дека е поврзан со синоќешната сообраќајна несреќа во Загреб, во која животот го загуби 22-годишна девојка, утрово е под полициски надзор, потврдија од загрепската полиција.Криминалистичкото истражување е во тек, додаваат од ПУ Загреб.Несреќата се случила синоќа околу 23:20 часот на крстосницата на улиците Донје Светице и Нартска улица во населбата Печеничка. Возачот со автомобил удрил во 22-годишната пешачка, која починала на местото од здобиените повреди, по што побегнал.Полицијата претходно апелираше до сведоци да се јават за да се утврдат сите околности на трагедијата. Според досегашните информации, девојката била удрена на пешачки премин или непосредно до него.

Свет | пред 4 дена

Детали за убиството во Хрватска: Колегата се исплашил, па 19-годишникот отишол на фатална достава

Хрватската полиција интензивно трага по 50-годишниот Кристијан Алексиќ од Дрниш, осомничен за убиството на 19-годишниот доставувач на пица, кој бил застрелан во саботата вечерта на терасата од семејната куќа на осомничениот.Според хрватските медиуми, младото момче работело викенд-смена во локална пицерија за да замени колега. Кога пристигнала нарачка за Кристијан Алексиќ, кого многумина во Дрниш го избегнувале од страв, колегата кој требало да ја изврши доставата признал дека не сака да оди. Тогаш 19-годишникот наводно рекол дека ќе оди заедно со него и дека „нема да има проблем“.По пристигнувањето пред куќата на Алексиќ, момчето излегло од возилото и тргнало кон влезот, кога одекнале неколку истрели. Младиот доставувач паднал погоден, додека неговиот колега во паника избегал и веднаш ја повикал полицијата.Во потрагата по осомничениот се вклучени и специјални полициски сили, а теренот околу Дрниш се пребарува и со дронови. Полицијата претпоставува дека Алексиќ се крие во густо пошумено подрачје.Осомничениот и претходно бил осуден за убиство. Во 2002 година добил 12 години затвор за свирепо убиство на 24-годишна девојка, извршено во 1994 година, кога ја нападнал со нож и метална шипка. Му била изречена и мерка задолжително психијатриско лекување.Против него во 2023 година била поднесена и кривична пријава за недозволено поседување оружје и експлозивни материи. Истрагата за најновото убиство е во тек, а полицијата сè уште трага по бегалецот.

Свет | пред 4 дена

Фокус на урбан развој и одржливи градови: Перински на голем меѓународен форум во Баку

Министерот за локална самоуправа, Златко Перински, од денеска па во наредните два дена ќе престојува во Баку, каде како носител на делегацијата од Македонија ќе учествува на Светски урбан форум 13, еден од најзначајните глобални настани посветени на иднината на градовите, локалниот развој и одржливите заедници.Форумот, кој е организиран од UN-Habitat, претставува висока меѓународна платформа на која се дискутираат клучните предизвици поврзани со урбанизацијата, домувањето, климатските промени, инфраструктурниот развој и креирањето политики за поквалитетен живот на граѓаните.Согласно најавите на организаторот, на форумот се очекува присуство на повеќе од 30.000 учесници од над 180 држави, меѓу кои шефови на држави, министри, претставници на меѓународни организации, локални власти, академската заедница и приватниот сектор.На самиот почеток на форумот, министерот Перински, заедно со повеќе од 100 министри и носители на национални делегации, ќе се обрати на националните обраќања посветени на темата на форумот „Домување: Безбедни и отпорни градови и заедници“, со осврт на достигнувањата, искуствата и идните насоки во однос на спроведувањето на Новата урбана агенда.Во рамки на посетата, македонската делегација ќе реализира и повеќе билатерални средби со претставници на институции и организации од повеќе држави, со фокус на размена на искуства, јакнење на меѓународната соработка, одржлива урбанизација, инклузија и отворање нови можности за поддршка на локалниот и рамномерниот регионален развој.

Македонија | пред 4 дена

(Видео) Грозница наречена „Swatch“: Тепачки, хаос и полициски интервенции од Европа до Њујорк

Продажбата на новата лимитирана колекција часовници на компанијата „Swatch“ се претвори во вистински хаос на улиците на големите светски метрополи. Од европските престолнини па сè до Њујорк, илјадници луѓе со часови чекаа во редови, а ситуацијата во неколку наврати ескалираше во физички пресметки, турканици и интервенции на надлежните.Пред главните продавници на овој бренд, метежот почна да се создава уште во текот на ноќта. Како што пренесува France24, стотици колекционери, но и препродавачи, ги опколија продавниците со надеж дека ќе стигнат до својот примерок од оваа високобарана серија.Сепак, раното утро донесе тензии – во одредени градови толпата стана толку агресивна, што мораше да интервенира и полицијата за да спречи поголеми инциденти.Социјалните мрежи се буквално преплавени со видеоснимки на кои се гледа драматичната атмосфера пред продавниците. Во Њујорк и во неколку европски градови беа забележани моменти каде поединци се обидуваат „преку ред“ да влезат во објектите, што предизвика револт кај оние кои ја поминале целата ноќ на студот.„Чекав повеќе од шест часа и на крајот останав со празни раце. Организацијата беше катастрофална, никој не ја контролираше толпата“, изјави еден разочаран купувач во Лондон.Главната причина за волку голема побарувачка лежи во фактот што станува збор за лимитирана серија која има висока колекционерска вредност. Традиционално, штом ќе се исцрпат залихите во официјалните продавници, овие часовници веднаш се селат на интернет-платформите за препродажба (како eBay и специјализираните веб-страници).Цените на црниот пазар веќе се неколкукратно повисоки од официјалните малопродажни цени, што јасно покажува дека многумина во редовите не стоеле од љубов кон часовниците, туку за брза и лесна заработка. Од компанијата „Swatch“ засега нема официјално соопштение во врска со критиките за лошата организација и за недостигот на залихи.

Свет | пред 4 дена

СДСМ: Мицкоски, Сиљановска, Муцунски признаа за македонскиот идентитет, сега треба да признаат и за малцинствата

Лагите на Мицкоски и ВМРО-ОКГ дека СДСМ се предавници и дека Преспанскиот договор е закана за македонскиот идентитет се потврдени. Прво Христијан Мицкоски призна дека Преспанскиот договор е ремек-дело на дипломатијата, велат од СДСМ.„Потоа Тимчо Муцунски призна дека НАТО е феноменална работа.Сега и претседателката Гордана Сиљановска Давкова призна дека прашањето за македонскиот јазик, култура и национален идентитет е апсолвирано.Сите тројца, еден по еден, ја потврдија вистината што СДСМ ја зборуваше години наназад.Останува уште да им признаат на граѓаните за сите лаги, лажни кампањи, обивнувања и загубени години.Друго што треба да направат?Сега се на ред да признаат дека и внесувањето на малцинствата во Уставот не е никаква закана за македонскиот идентитет.Малцинствата не се непријатели на Македонија. Тоа се наши сограѓани, соседи, пријатели, колеги.Ниту едно малцинство не го загрозува македонскиот идентитет.Она што ја загрозува Македонија е криминалот, корупцијата, изолацијата и блокадата на европската иднина што ја спроведува ВМРО-ОКГ.Вистината излезе на виделина.Сега е време за одговорност.Реформи сега. Правда сега. Европа сега“, се вели во соопштението.

Македонија | пред 4 дена

Уапсен 19-годишникот од Бојане кој завчера уби 18-годишник од истото село, пронајдени се телото и пиштолот

На 17.05.2026 во 00:50 часот во с.Бојане, скопско, полициски службеници од СВР Скопје го лишија од слобода М.Б. (19) од с. Бојане поради основано сомнение за сторено кривични дело „убиство“ по член 123 од КЗ.Претходно, на телефонската линија за итни повици 192 се јавил неговиот татко И.Б. и пријавил дека М.Б. му признал дека на 15.05.2026 во шума во околината на с.Сарај со пиштол го усмртил Б.Д. (18) од Бојане.Од страна на полициските службеници, М.Б. е приведен во полициски службеници, а пронајдени се и телото на Б.Д. и пиштолот со кој е извршено убиството.По документирање на случајот, против М.Б. ќе биде поднесена соодветна кривична пријава.

Македонија | пред 4 дена

„Bangaranga“ ја освои Европа: Којa е бугарската победничка на Евровизија?

Бугарската претставничка на изборот за Песна на Евровизија – Дара, чие вистинско име е Дарина Јотова, преку ноќ стана едно од најбараните имиња на европската музичка сцена по синоќешната победа.Заразната песна „Бангаранга“, впечатливата кореографија и енергичниот настап ѝ ја донесоа на Бугарија првата победа во историјата на натпреварувањето. Иако со години е голема ѕвезда во нејзината родна Бугарија, Евровизијата ја лансираше пред милионска публика низ цела Европа.За време на Евровизиската недела, таа особено се истакна со настапот кој комбинираше современи поп и фолклорни мотиви, и токму оваа комбинација ги освои и публиката и жирито.Дара е родена во Варна, третиот по големина бугарски град на брегот на Црното Море, каде што дипломирала на Националното училиште за уметност. Почнала да пее како девојче, прво изведувајќи традиционална бугарска народна музика, а подоцна се свртела кон модерната поп музика.Пошироката јавност ја запознала во 2015 година во бугарската верзија на шоуто „X Factor“, по што нејзината кариера доживува подем. Деби синглот „К’во не чу“ многу брзо заврши на врвот на музичките листи, проследен од хитови како „Гром“, „Повикај ме“ и „Господин Ровер“.Низ годините, таа освои бројни музички награди, распродадени билети на концерти и собра милиони прегледи на социјалните мрежи.Таа беше и најмладиот ментор во шоуто „Гласот на Бугарија“, а минатата година настапи како предгрупа за Роби Вилијамс на концерт во Софија.Дури и пред финалето, Дара отворено зборуваше за тоа колку многу ѝ значи претставувањето на Бугарија на Евровизискиот натпревар.„Победата би била неверојатна и апсолутно се натпреварував за победа. Но, подеднакво сум трогната од идејата Бугарија да биде видена. Дека навистина можеме да бидеме видени“, рече таа во интервју за The Independent.Таа исто така додаде дека верува оти нејзината земја има „огромна културна душа“ за која Европа сè уште не дознала доволно.„Ако „Бангаранга“ го натера некого да ја истражува бугарската музика, брегот, литературата или луѓето, тогаш веќе сум постигнала нешто вистинско“, рече таа.Насловот на победничката песна доаѓа од јамајканскиот сленг и може да се преведе како „бунт“, „метеж“ или „хаос“. Дара ја опишува како посебна енергија што симболизира слобода и живот без страв.Тоа е чувство што секој го носи во себе. Моментот кога ќе одлучите да ја изберете љубовта пред стравот“, објасни таа по полуфиналето.Песната стана и симбол на големото враќање на Бугарија на Евровизискиот натпревар по отсуството од натпреварот поради финансиски причини.Земјата последен пат се натпреваруваше во 2022 година, а враќањето веднаш беше крунисано со историски успех.

Магазин | пред 4 дена

Измени во сообраќајот поради велосипедска трка и планинарска тура: Еве кои улици ќе бидат затворени

Дел од улиците низ главниот град денеска ќе бидат затвори, за што ќе биде организиран посебен режим на сообраќај поради одржување на два спортски настани, поточно велосипедска трка и планинарска тура.„На 17.05.2026 (недела), во организација на Здружението за спорт и рекреација „Прв до врв“ – Скопје, ќе се одржи четиринаесеттото издание на традиционалниот спортско-рекреативен настан насловен како „Прв до врв“.Во рамки на настанот ќе се реализира велосипедска трка со почеток во 09:45 часот, со траса на движење од пред Музеј на град Скопје по ул. „Св. Кирил и Методиј“, лево по бул. „Св. Климент Охридски“, право по бул. „Мајка Тереза“, лево по ул. „Тодор Александров“, а потоа по локалниот пат кон Средно Водно и до врвот на Водно (Милениумски крст).Воедно, со почеток во 10:00 часот ќе се одржи и планинарска тура, која ќе стартува пред ООУ „Кочо Рацин“ на бул. „Мајка Тереза“, ќе продолжи по ул. „Тодор Александров“, а кај ул. „Салвадор Аљенде“ учесниците ќе се движат десно по планинската патека кон Средно Водно и понатаму кон врвот на Водно (Милениумски крст)“ се посочува во објавата на МВР.Од таму додаваат оти, поради одржувањето на настаните, Одделението за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.Министерството за внатрешни работи апелира до граѓаните да ги почитуваат наредбите и насоките што ќе ги издаваат полициските службеници на сообраќајниците каде што ќе се одвива настанот, со цел непречено и безбедно реализирање на истиот.

Скопје | пред 4 дена

Георгиевски: Името Македонец, македонско секогаш било присутно во бугарската историска литература

Верувам дека изјавата "северномакедонски" на новата министерка Чамова е логична грешка која претходно ја имаме чуено од стотина меѓународни дипломати и аналитичари и ќе биде поправена.Ова го напиша на својот Фејсбук профил, Љубчо Георгиевски, Претседател на ВМРО Народна партија, кој изнесе и свој став каде лежат проблемите меѓу нашите две држави и нации.„Вистинскиот проблем е во тоа што го читам на бугарските социјални мрежи и дел на медиуми кои жестоко ја бранат.1. Тоа е за жал непотребен говор на омраза кој е остаток од времето на ветото кога го имаше во голема количина.2. Како што со ветото Бугарија го презема гневот од Германија и Франција кои три пати го одложија приемот во ЕУ така сега го презема гневот на Македонците од Грција чија специјалност е името.3. Името Македонец, македонско секогаш било присутно во бугарската историска литература дури било и синоним. Денешните бугарски патриоти успеаа да престават пред меѓународната заедница дека тоа се две најнепријстелски народа.4. Крстоносната војна што ја водат некои бугарски аналитичари против името Македонец, македонски е еден од најголемите автоголови во бугарската идеолошка историја.5. Додека србската политка го достига својот врв на србизацијана Македонија после ветото, бугарската се радува на ситни победи во документи и извештаи.6. Конечно после сто и петнаесет години порази од србите во Македонија време е да почнете да учите од нив“, напиша Георгиевски.

Коментари | пред 4 дена

Мурињо: „Бенфика е Бенфика, но Реал не се одбива“

Жозе Мурињо призна дека постои можност за негово враќање во Реал Мадрид, но нагласи дека во моментов е многу поблиску до останување во Бенфика. Искусниот португалски стратег изјави дека неговиот агент Жорже Мендеш веќе разговара со челниците на мадридскиот клуб, но засега нема конкретна понуда.„Во овој момент сум 99 отсто за останување во Бенфика, бидејќи имам договор и понуда што сè уште не сум ја разгледал, но агентот ми кажа дека е исклучително добра. Од страна на Реал Мадрид засега немам ништо, но никој не е наивен, единствено што постои се разговори меѓу Жорже Мендеш и структурата на Реал Мадрид“, изјави Мурињо.Тој додаде дека евентуалната одлука нема да зависи од финансискиот аспект, туку од тоа каква улога би имал во клубот.„Не се работи за повеќе или помалку едно евро, туку што сакаат од мене, дали сум способен да го исполнам тоа што го бараат и каков профил на работа ми нудат“, рече португалскиот тренер.Мурињо не ги криеше ниту емоциите кон Бенфика.„Бенфика е Бенфика и тоа што го чувствувам кон клубот веќе не можам да го сокривам. Цела кариера го криев тоа, но сега повеќе не можам“, истакна тој.

Спорт | пред 4 дена

Драма во авион: Патник гризнал член на екипаж, летот итно пренасочен

Авион на австралиската авиокомпанија Квантас бил принуден да го пренасочи летот кон САД откако патник предизвикал инцидент и наводно гризнал член на екипажот.Летот од Мелбурн кон Далас во петокот морал принудно да слета во Папете, главниот град на Француска Полинезија, поради проблематично однесување на патник, за кого медиумите наведуваат дека бил под дејство на алкохол.Според локалните медиуми, мажот бил совладан од други патници, а по слетувањето го презеле локалните власти. Компанијата му забранила понатамошно користење на летовите на „Квантас“.Од авиокомпанијата порачаа дека безбедноста на патниците и екипажот е нивен највисок приоритет и дека имаат нулта толеранција за агресивно и заканувачко однесување на летовите.

Свет | пред 4 дена

Британски медиуми: Стармер сака да се повлече од премиерската функција

Британскиот премиер Кир Стармер наводно им соопштил на блиски соработници дека планира да поднесе оставка, објави британскиот весник „Дејли мејл“, повикувајќи се на неименувани извори од владата.Според наводите, Стармер сметал дека политичката ситуација во земјата е сериозно влошена и сакал достоинствено да се повлече од функцијата, иако засега нема официјална потврда кога би можела да биде објавена таквата одлука.Притисокот врз лидерот на лабуристите се засили по лошите резултати на локалните избори, по што речиси сто пратеници побараа негова оставка. Во меѓувреме, неколку владини функционери поднесоа оставки, меѓу кои и министерот за здравство Вес Стритинг, кој се смета за еден од можните ривали на Стармер.Британските медиуми пишуваат и дека градоначалникот на Манчестер, Енди Бернам, размислува за кандидатура за парламентот, што би му овозможило во иднина да се вклучи и во трката за премиерската функција.

Свет | пред 4 дена

Истече американското олеснување за купување руска нафта

Американската администрација не го продолжи изземањето од санкциите за купување руска нафта, кое истече на 16 мај, со што заврши привремениот период на олеснување на рестрикциите кон рускиот енергетски сектор.Мерката се однесуваше на ограничени количини руска нафта што веќе биле натоварени на танкери, а САД претходно двапати го продолжуваа изземањето – во март и април годинава.Одлуката доаѓа во период на зголемена загриженост за глобалното снабдување со енергенси поради конфликтот со Иран и нарушувањата во транспортот на нафта низ Ормускиот теснец, што доведе до раст на цените на суровата нафта на светските пазари.Европските сојузници на Вашингтон го критикуваа привременото ублажување на санкциите, оценувајќи дека тоа ѝ овозможува на Москва дополнителни приходи за финансирање на војната во Украина.Од друга страна, земји како Индија и Индонезија бараа продолжување на изземањето поради зависноста од увоз на енергенси и нестабилноста на глобалниот пазар.Американскиот министер за финансии Скот Бесент претходно изјави дека продолжувањето на мерките било неопходно за зачувување на стабилноста на светскиот енергетски пазар за време на кризата на Блискиот Исток.

Свет | пред 4 дена

ВМРО-ДПМНЕ: И ДЗР во 2024 констатирал неправилности во набавката на мазутот за ТЕЦ Неготино, само тандемот Абази - Коларевиќ ништо не видел

 Коалицијата СДС-ДУИ, освен во политиката продолжува беспрекорно да функционира и во судско обвинителскиот систем. Тандемот Ислам Абази – Катерина Коларевиќ, едниот како шеф на ОЈО ГОКК, другата како обвинител во тоа обвинителство кои треба да ги гонат и сузбиваат криминалот и корупцијата, во стилот на коалицијата СДС и ДУИ, прават се само да ги спасат од одговорност лицата блиски до овие партии, велат од ВМРО-ДПМНЕ.„Овој коалициски тандем, кој не е во собраниски клупи туку во обвинителството, пред неколку дена донесе скандалозна одлука да се стопира постапката за случајот тежок 176 милиони евра за набавка на мазут за потребите на ТЕЦ Неготино иако постојат сериозни сомнежи и индиции за голем криминал и корупција, перење пари и загадување на животната средина.Селективноста и тенденцијата на овој обвинителски тандем да ги спасат од кривична одговорност луѓето од СДС и ДУИ, можеше да се забележи уште од фазата на прибирање докази, кои очигледно намерно и не ги нашле.Од демантот на ЕСМ јасно може да се види дека обвинителите Абази и Коларевиќ повеќе се занимавале со земање на изјави од некомпетентни лица, наместо сериозно да истражуваат и да обезбедат докази за оваа сомнителна набавка на мазут, вредна неверојатни 167 милиони евра.Селективноста на овој коалициски обвинителски тандем може да се види и во тоа што Абази и Коларевиќ не ни ги прочитале извештаите на релевантни институции. Така, во 2024 година Државниот завод за ревизија утврдил дека при оваа милионска набавка се испорачувал мазут од различен добавувач од оној којшто бил утврден во договорот на ЕСМ, ТЕЦ Неготино и добавувачот.Додека, пак, стручни лица од ЕСМ утврдиле дека мазутот бил со голем број на нечистотии коишто предизвикувале дефекти во мазутната станица на ТЕЦ Неготино.Но, и покрај ваквата утврдена лоша состојба и квалитет на мазутот, сепак ТЕЦ Неготино склучил анекс за да може овој скап договор да ја достигне сумата од 167 милиони евра.Доказите постоеле, извештаите со констатирани сериозни забелешки и пропусти постоеле, само Абази и Коларевиќ не ги виделе. Којзнае, може намерно замижале за да не ги видат и одговорност да ги спасат Васко Ковачевски, Јахоски, Сулкоски, Капушевски, Адријан Муча и нивните партнери, сите до еден блиски на СДС и ДУИ.Затоа сметаме дека Абази и Коларевиќ не се достојни на функцијата да бидат во Јавното обвинителство за гонење на криминал и корупција, затоа што и двајцата имаат свои лични, семејни или политички долгови за нивниот кариерен напредок, а истите се поврзани со политичките партии ДУИ и СДС.Овој јавнообвинителски тандем Абази и Коларевиќ повеќе е приврзан за нивните ментори Заев, Ахмети и Венко Филипче отколку што е посветен на владеењето на правото и гонењето на организиран криминал и корупција.Уште еднаш го повикуваме Советот на јавни обвинители да се позанимава со овој случај, да го истражи работењето и постапувањето на Абази и на Коларевиќ во случајот „Мазут“ за да утврди кои намерни или, можеби, ненамерни пропусти се направени, со цел случајот да се затвори пред да стигне на суд.Целата вистина за овој случај од висок јавен интерес и за запирање на истражната постапка, мора да излезе на виделина. На ваквите обвинители кои дополнително ја деградираат и уништуваат, и така ниската, довербата на граѓаните во судството не им е местото системот.Време е за правна држава и владеење на словото на законот со чесни кадри, докажани професионалци со висок морален и професионален кредибилитет“, се вели во соопштението,

Македонија | пред 4 дена

Сиљановска-Давкова во официјална посета на Словенија, ќе се сретне со словенечкиот државен врв

Претседателката Гордана Сиљановска-Давкова од денеска престојува во официјална посета на Република Словенија. Утре, 18 мај 2026 година, понеделник, во Љубљана претседателката Сиљановска-Давкова ќе биде пречекана со највисоки државни и воени почести од претседателката на Република Словенија, Наташа Пирц Мусар. Предвидено е претседателките да одржат тет-а-тет средба, по што ќе следува пленарен состанок на македонската и словенечката делегација. Сиљановска-Давкова ќе оствари средба и со претседателот на Државниот збор на Република Словенија, Зоран Стевановиќ. Предвидено е претседателката Сиљановска-Давкова да положи венец пред Споменикот на жртвите од сите војни и жртвите поврзани со војните. Сиљановска-Давкова ќе ја посети Македонската православна црква „Св. Климент Охридски“ во Љубљана и ќе оствари средба со членовите на Сојузот на Македонските културни друштва и црковните одбори. Таа ќе оствари средба и со македонски иселеници кои работат во областа на науката, културата, медицината. Претседателката ќе одржи состанок со членовите на Македонско-словенечкиот бизнис клуб, додека во Крањ ќе го посети Македонското културно друштво. Во вторник, 19 мај 2026 година, претседателката Сиљановска-Давкова ќе одржи предавање на Правниот факултет во Љубљана на тема: „Уставни трансформации на патот кон ЕУ: Реформи или уставен инженеринг?“.

Македонија | пред 4 дена

Возач прегази 22-годишна девојка во Загреб и избега, полицијата бара сведоци

Хрватската полиција трага по возач кој синоќа со автомобил усмртил 22-годишна девојка на раскрсница во Загреб, а потоа избегал од местото на несреќата.Според информациите од полицијата, несреќата се случила околу 23:20 часот, кога автомобилот налетал на девојката, која починала на самото место од здобиените повреди.По ударот, возачот побегнал, а полицијата започнала потрага и апелирала до сите очевидци да се јават за побрзо да се утврдат околностите и да се пронајде сторителот.

Свет | пред 4 дена

Демонстранти протестираа против учеството на Израел на Евровизија

Австриската полиција спроведе голема акција во близина на местото каде се одржуваше Евровизија 2026 во Виена, непосредно пред финалето, по пропалестински протест против учеството на Израел.Според медиумските извештаи, маскирани демонстранти се собрале на скалите пред главната градска библиотека, извикувајќи слогани и носејќи транспаренти. Полицијата интервенирала и оттурнала дел од демонстрантите, но набрзо на истото место се појавила нова група.Библиотеката се наоѓа во близина на арената Wiener Stadthalle, каде се одржуваше музичкиот натпревар.Претходно во текот на денот, неколку илјади луѓе учествувале на одделен протест во Виена против учеството на Израел на Евровизија. Според австриската полиција, протестот поминал мирно, без апсења и поголеми инциденти.

Свет | пред 4 дена

По пет години, Конор Мекгрегор се враќа во UFC

Конор Мекгрегор конечно се враќа во октагонот. Ирецот на 11 јули во Лас Вегас ќе се бори против Макс Холовеј на настанот UFC 329, што ќе биде негов прв меч по 2021 година.Мекгрегор последен пат се бореше против Дастин Поарие, кога доживеа тешка скршеница на ногата. Неговиот камбек беше најавен и минатата година против Мајкл Чендлер, но борбата беше откажана поради повреда на палецот на ногата.Сега го очекува реванш со Холовеј, кого го победи уште во 2013 година со едногласна одлука на судиите.За Мекгрегор ова нема да биде лесен предизвик, бидејќи Холовеј во последните години постојано е во врвот на UFC. Ирецот зад себе има турбулентен период исполнет со повреди, суспензија поради прекршување на антидопинг правилата и повеќе контроверзии надвор од спортот.Минатата година тој прифати 18-месечна суспензија поради пропуштени допинг тестови, а казната му истече во март годинава.И покрај тоа, Мекгрегор и понатаму важи за една од најголемите ѕвезди во историјата на ММА. Тој беше првиот борец во UFC кој истовремено држеше титули во две различни категории, а остана запаметен и по спектакуларниот нокаут на Жозе Алдо за само 13 секунди.Интересно е што Ирецот во последните десет години има само една UFC победа – против Доналд Сероне во 2020 година.

Спорт | пред 4 дена

Литванија и Македонија ја продлабочуваат соработката во дигитализацијата и безбедноста

Министерот за дигитална трансформација, Стефан Андоновски, во наредните два дена ќе оствари официјална посета на Вилнус, Република Литванија.Посетата е на иницијатива на Амбасадата на Република Литванија во Република Македонија и ќе се одвива според исклучително динамична агенда, која опфаќа средби на високо ниво и состаноци со државни институции надлежни за дигитализација, иновации и сајбер-безбедност.На првиот ден од посетата, министерот Андоновски ќе оствари средба со Едвинас Грикшас, министер за економија и иновации на Република Литванија. Во рамки на престојот, министерот ќе оствари средби и со замениците-министри за надворешни работи и за национална одбрана на Литванија.Посетата на министeрот Андоновски уште еднаш ги потврдува добрите односи меѓу двете земји, како и неодамнешната одлука на Владата за отворање на наша Амбасада во Вилнус. Амбасадата ќе има и поширока регионална улога, претставувајќи централна точка за покривање на останатите балтички држави во политичката, економската, културната, конзуларната и во другите сфери од заеднички интерес.Република Литванија е меѓу најактивните членки на Европската Унија и НАТО во доменот на безбедносните политики и политиката на проширување на Унијата, како и држава која континуирано го поддржува процесот на европска интеграција на Република Македонија.

Македонија | пред 4 дена

Убиство во Хрватска: 19-годишен доставувач застрелан додека носел храна

Во Дрниш, Хрватска синоќа е убиено 19-годишно момче, а полицијата интензивно трага по осомничен 50-годишен маж кој по пукањето избегал.Според соопштението на полицијата, убиството се случило околу 23:05 часот на тераса од семејна куќа. Осомничениот К.А. со огнено оружје пукал кон 19-годишниот хрватски државјанин, кој починал на местото од здобиените повреди.Според хрватските медиуми, младиот човек работел како доставувач на храна и токму ја доставил нарачката до осомничениот, по што бил застрелан под сè уште неразјаснети околности.Полицијата соопшти дека осомничениот и претходно ѝ бил познат на полицијата. Во 2023 година против него била поднесена кривична пријава за недозволено поседување оружје и експлозивни материи.Хрватските медиуми објавија и дека тој претходно бил осуден за убиство извршено во 90-тите години, за кое добил 12 години затвор и задолжително психијатриско лекување.Потрагата по осомничениот продолжува, а полицијата ги утврдува сите околности поврзани со убиството.

Свет | пред 4 дена

Најстудено утрово на Попова Шапка и во Берово, измерени 2 степени

Најстудено утрово во Македонија било на Попова Шапка и во Берово, каде се измерени само 2 степени.Според податоците на Управата за хидрометеоролошки работи, 3 степени биле измерени во Лазарополе и Маврови Анови, додека 4 степени имало во Крушево и Претор.Најмногу дожд во изминатите 24 часа наврнало во Берово – 19 литри на метар квадратен. По него следуваат Маврови Анови, Струмица и Куманово со по 12 литри на метар квадратен.Времето денеска ќе биде променливо облачно и посвежо со сончеви периоди. Во крајните западни и источни делови ќе има услови за повремен локален дожд. Ќе дува умерен до засилен ветер од западен и северозападен правец, кој на места ќе надминува 60 километри на час.Дневната температура ќе се движи од 14 до 23 степени.Во Скопје времето ќе биде променливо облачно со сончеви периоди и засилен северозападен ветер во одделни делови од котлината, а максималната температура ќе достигне до 20 степени.

Македонија | пред 4 дена

(Видео) Голем украински напад со дронови врз Москва, најмалку тројца загинати

Најмалку три лица загинаа, а 12 се повредени во голем украински напад со дронови врз Москва и околината, соопштија руските власти.Според градоначалникот на Москва, Сергеј Собјанин, во изминатите 24 часа биле соборени повеќе од 120 дронови, а во нападот не била оштетена технологијата на московската рафинерија за нафта. Сепак, оштетени биле три куќи.Руското Министерство за одбрана соопшти дека во текот на ноќта и утрото биле соборени вкупно 556 дронови, вклучително и над московскиот регион.Гувернерот на Московската област, Андреј Воробјов, изјави дека жена загинала откако била погодена куќа во градот Химки, северно од Москва. Тој додаде дека спасувачките екипи трагаат по уште едно лице под урнатините.Двајца мажи загинале и во селото Погорелки во округот Митишчи. Во нападите биле оштетени и повеќе станбени згради и инфраструктурни објекти.

Свет | пред 4 дена

(Видео) Бугарија победи на Евровизија 2026 со песната „Bangaranga“

Победник на овогодинешната Евровизија 2026 е Бугарија, која ја претставуваше Дара со песната Bangaranga.Дара со својот настап ги воодушеви и публиката и жирито и убедливо триумфираше на 70. издание на музичкото натпреварување, кое годинава се одржа во Виена.Победничката песна комбинира модерен електро-поп звук со балкански ритми, поради што брзо стана една од омилените меѓу фановите на Евровизија.На второто место заврши Израел.Во финалето на Евровизија учествуваа 25 земји, а победникот беше избран врз основа на гласовите од публиката и националните жири-комисии од 35 држави.

Магазин | пред 4 дена

СДСМ: МБС ГЛОБАЛ – Бугарија – сопственик Максим Димитриевски – Максо од ЗНАМ

Еве Максо, има фирма во Бугарија. Види Максо, ти си сопственик! А изгледа дека не е само една. Додека Максим Димитриевски се претставува како „антикорупционер“ и „голем Македонец“, фактите покажуваат сосема спротивно. Фирмата МБС ГЛОБАЛ била регистрирана на 07.08.2015 година на адреса булевар „Стефан Караџа“ во Бургас, Бугарија. Компанијата се занимава со трговија на големо со непрехранбени производи, велат од СДСМ.„Дополнително, сопругите на Димитриевски и Серафимовски имаат друга компанија во Македонија – АЈФИКС ДОО од Доброшане, Куманово.Максо, колку фирми имаш во Бугарија и колку во Македонија?Колку тендери си наместил?Колку пари си префрлил преку кумови и блиски?Види Максо, доаѓа времето на вистината.Нема повеќе лаги.Максо, доаѓа времето на правдата и одговорноста.Ја предаде својата партија и си ги предаде своите гласачи!Немаш право ти, кој си со „промакедонската“ партија на бугарски државјани, со организираната криминална група ВМРО и со Христијан Мицкоски кој те плаќа преку тендери, да правиш дефокус од Европската реформска агенда.Доста е веќе да вие поради вашиот криминал и корупција го држите народот како заложник и ја држите државата во изолација.Сите – и ти, и Филков, и Сашо Петровски, и целата криминална група предводена од шефот на бандата Христијан Мицкоски – ќе одговарате!Реформи сега. Правда сега. Европа сега“, се вели во соопштението.

Македонија | пред 4 дена