Грција има 800.000 празни домови: Околу 12% од станбениот фонд стои празен

Околу 12% од вкупниот станбен фонд во Грција, односно околу 800.000 недвижности низ целата земја, остануваат празни, а дел од нив под одредени услови би можеле да се активираат во борбата против станбената криза, пишува Екатимерини.Станува збор за имоти кои не се викенд-куќи, па постои можност да се вклучат во станбената понуда со соодветни мерки, според Мандо Зисопулу, директорка за станбена политика во Министерството за социјална кохезија и семејство.Зборувајќи во неделата на Форумот за недвижности во Атина, Зисопулу рече дека податокот произлегува од студија за националната станбена политика, чии резултати ќе бидат објавени во наредните денови.„Проблемот што го гледаме од податоците е дека, за жал, најголемиот дел од празните куќи не се наоѓаат во области со голем притисок. Напротив, тие се, во југоисточниот Егеј и на Јонските острови, додека бројот на празни куќи во големите градови е помал,“ рече службеничката од министерството.Друг проблем се однесува на состојбата на тие имоти: „Околу 22% од нив се изградени пред 1960 година, а уште една третина помеѓу 1960 и 1980 година. Вкупно, 80% се најмалку 25 години стари, изградени пред 2000 година,“ рече Зисопулу, што подразбира потреба од значителни средства за реновирање пред нивно користење.Министерството планира да користи средства од Националната стратегиска референтна рамка за програма за лесни реновирања на постарите празни имоти, во износ до 500 милиони евра.„Ова е скриено богатство, бидејќи празните куќи се бројни и полесни за активирање во споредба со изградба на нова зграда,“ рече таа.Освен реновирањето, сепак, овие имоти често бараат и решавање на урбанистички прашања или наследни спорови, истакна Лена Контоѓоргу, раководителка на здружението на нотари за Атина, Пиреја, Егејот и Додеканезите.„Затоа законот за наследства, кој наскоро ќе се изгласа, би можел да реши многу постојни проблеми,“ додаде таа.

Свет | пред 1 ден

Романски борбен авион Ф-16 собори украински дрон над Естонија

Романски борбен авион Ф-16 Fighting Falcon утрово собори украински дрон над Естонија, изјави естонскиот министер за одбрана, Хано Певкур.Според него, авионот бил на тренажен лет кога пилотите ја идентификувале целта и лансирале ракета воздух-воздух.Дронот бил соборен над езерото Вирцјарв, а неговите остатоци паднале на полиња во селото Каблакула.Како што пренесуваат медиумите, романскиот ловец бил стациониран во воздухопловната база Шауљај во Литванија, во рамки на мисијата на НАТО за контрола на воздушниот простор над балтичките земји.НАТО потврди дека го истражува случајот и порача дека Алијансата е подготвена да одговори на сите потенцијални воздушни закани.Естонската војска соопшти дека дронот влегол во воздушниот простор на земјата околу осум часот утрово.Во меѓувреме, и Латвија издаде предупредување за воздушна закана откако дрон влегол во нејзиниот воздушен простор, по што беа мобилизирани и авиони на НАТО во регионот.

Свет | пред 1 ден

(Видео) Турист скокна во Фонтаната ди Треви, Италијанците бараат построги казни

Турист од Нов Зеланд предизвика бурни реакции во Италија откако скокна и се капеше во познатата Фонтана ди Треви.Триесетгодишниот турист, облечен во фармерки, маица и чевли, влезе во фонтаната и пливаше и покрај предупредувањата од полицијата да излезе.На крајот, тој беше казнет со 500 евра и доби забрана за враќање на локацијата.Снимката од инцидентот брзо се прошири на социјалните мрежи, а многу Италијанци побараа значително построги казни за туристите кои се однесуваат несоодветно.Инцидентот се случи само неколку дена по тепачка меѓу две римски банди во близина на фонтаната, што дополнително отвори дебата за безбедноста околу една од најпосетуваните туристички атракции во Рим.Фонтаната е под 24-часовен полициски надзор, а од февруари туристите плаќаат по две евра за пристап до базенот.Роберто Гуалтиери претходно изјави дека системот со билети бил успешен и дека средствата се користат за одржување на културното наследство.Фонтаната ди Треви, изградена во 1762 година, е една од најпознатите знаменитости во Италија, а туристите често се инспирирани од сцената на Анита Екберг од филмот La Dolce Vita.

Свет | пред 1 ден

Пожарот на депонијата во Радовиш продолжува, надлежните со апел до граѓаните

Радовишката депонија и натаму е зафатена од пожар кој трае веќе петти ден, а надлежните служби сè уште работат на негово целосно локализирање.На терен е ангажирана тешка механизација која врши насипување со земја за да се спречи понатамошно ширење на огнот.Поради сериозноста на состојбата, градоначалникот на Радовиш и командантот на Кризниот штаб, Љупче Почивалец, во координација со Центарот за јавно здравје – Штип, упати апел до граѓаните да избегнуваат непотребен престој на отворено и да го ограничат движењето во периодите кога чадот е најинтензивен.Во препораките се наведува прозорците и вратите во домовите и работните простории да останат затворени, а да се исклучат клима-уредите и вентилационите системи што внесуваат надворешен воздух.Граѓаните се советуваат да користат заштитни маски од типот FFP2, FFP3 или N95 и да престојуваат во затворени простории.Посебни препораки се упатени до децата, бремените жени, постарите лица и хронично болните, за кои се советува максимална заштита и избегнување активности на отворено.До работодавачите е упатен апел, каде што е можно, да овозможат работа од дома или ослободување од работа за ранливите категории.Од Општина Радовиш информираат дека сите служби се постојано на терен и преземаат мерки за локализирање и гаснење на пожарот.

Македонија | пред 1 ден

Сајбер нападите пораснале за 140 отсто: Полска инвестира 1,2 милијарди евра во сајбер безбедност

Полска официјално го започна развојот на сопствена безбедна енкриптирана апликација за комуникација наменета за државните институции, откако Владата во Варшава изрази загриженост поради растечките сајбер закани и обидите за компромитирање на апликацијата Сигнал кај државните службеници.Оваа одлука претставува дел од новата поширока стратегија на официјална Варшава за зајакнување на дигиталната безбедност и намалување на зависноста од странски технолошки платформи.Неодамна полските служби за сајбер безбедност предупредија за софистицирани phishing („фишинг“) кампањи насочени против политичари, безбедносни агенции и државни службеници.Напаѓачите се претставувале како техничка поддршка за апликацијата Сигнал или користеле лажни веб-страници за да ги наведат корисниците да ги поврзат своите сметки со компромитирани уреди, при што хакерите можеле да пристапат до приватни разговори, контакти и други чувствителни податоци.Иако апликацијата Сигнал и понатаму важи за една од најбезбедните апликации за шифрирана комуникација, полските власти оценуваат дека проблемот не е во самата енкрипција на апликацијата, туку во човечкиот фактор и можноста за таканаречен „социјален инженеринг“.Поради тоа, Владата им препорача на државните институции да преминат на домашно решение развиено под контрола на националните безбедносни структури.Новата апликација е развиена со поддршка на полски технолошки и истражувачки институции, а првенствено ќе ја користат државната администрација, безбедносните служби и организациите вклучени во националниот систем за сајбер заштита.Полските власти тврдат дека домашната апликација ќе овозможи поголема контрола врз серверите, безбедносните стандарди и процесите за автентикација на корисниците.Полска во последните години стана една од најактивните европски држави кога станува збор за инвестиции во сајбер безбедност. Земјата има клучна логистичка улога во поддршката на Украина, поради што често е цел на сајбер напади и хибридни операции.Полските официјални претставници повеќепати предупредуваа за активности на групи поврзани со Русија и Белорусија, кои ги таргетираат државните мрежи, медиумите и критичната инфраструктура.За оваа година Варшава најави рекордни инвестиции во сајбер безбедност, проценети на околу 1,2 милијарди евра.Според податоците на полските институции, бројот на регистрирани сајбер инциденти во текот на минатата година пораснал за повеќе од 140 проценти.Одлуката на Полска за развој на национална комуникациска платформа се вклопува и во поширокиот европски тренд за зајакнување на дигиталниот суверенитет.Сè повеќе европски држави настојуваат клучните комуникациски и безбедносни системи да ги држат под домашна контрола, особено во време на зголемени геополитички тензии и растечки сајбер закани од хакерски напади.

Магазин | пред 1 ден

Андоновски: Градењето отпорност во сајбер просторот е прашање на соработка и координација

Mинистерот за дигитална трансформација, Стефан Андоновски во рамки на работната посета на Вилнус остварил билатерална средба со Томас Годлиаускас, на која било разговарано за зајакнување на соработката во областа на сајбер-безбедноста.На средбата се дискутирало за размена на искуства и градење поотпорни институционални капацитети за справување со современите дигитални закани.Андоновски истакнал дека сајбер-безбедноста е еден од клучните предуслови за успешна дигитална трансформација и заштита на институциите и граѓаните.„Градењето отпорност во сајбер-просторот е прашање на соработка и координација. Денешните дигитални закани не познаваат граници, затоа одговорот мора да биде заеднички, организиран и заснован на доверба меѓу институциите и партнерите“, порача министерот.Тој нагласил дека за Македонија е особено важно да учи од искуствата на Литванија, која успешно ги поврзува одбранбените, цивилните и технолошките капацитети во единствен систем за заштита.Во рамки на посетата била одржана и презентација од Национален центар за сајбер-безбедност на Литванија, посветена на литванскиот модел за координација, превенција и одговор на сајбер-инциденти.Од двете страни било оценето дека соработката меѓу Македонија и Литванија е значајна не само во рамки на НАТО, туку и како партнерство засновано на доверба и заеднички вредности.

Македонија | пред 1 ден

Тешка сообраќајна несреќа во Земун: Автомобил удри шестгодишно дете

Тешка сообраќајна несреќа се случила денеска околу 13 часот на Батајничкиот пат во Земун, пренесува „Телеграф.рс“.Според првичните информации, автомобил налетал на шестгодишно момче во непосредна близина на трговскиот центар „БН Бос“.Несреќата била исклучително драматична, а возилото со тркалото му ја прегазило раката на детето.На местото веднаш пристигнала екипа на Итната медицинска помош, која брзо го згрижила повреденото момче.Шестгодишното дете се здобило со повреди на екстремитетите и со возило на Итната помош итно било пренесено во Институтот за здравствена заштита на мајка и дете „Д-р Вукан Чупиќ“ во Нов Белград, каде што му била укажана дополнителна медицинска помош и била извршена целосна дијагностика.Полицијата извршила увид на местото на несреќата и работи на утврдување на сите околности, како и на одговорноста за инцидентот.

Балкан | пред 1 ден

Руски експерти наскоро повторно ќе работат во нуклеарната централа во Иран

Руската државна компанија за нуклеарна енергија „Росатом“ проценува дека нејзиниот персонал во наредните недели ќе може повторно да се врати во нуклеарната електрана Бушер во Иран, изјави генералниот директор на корпорацијата Алексеј Лихачов.„Убеден сум дека во следните недели ќе можеме да го реализираме нашиот план за обновување на работната сила и да го зголемиме темпото на изградба според планираните цели“, изјави Лихачов пред новинарите.„Росатом“ во моментов гради два нови блока во нуклеарната електрана Бушер, но по почетокот на војната меѓу Соединетите Американски Држави, Израел и Иран на 28 февруари, компанијата повлече стотици свои вработени од Иран.Лихачов претходно најави евакуација на повеќе од 600 руски државјани кои работеле во нуклеарната централа Бушер по почетокот на американско-израелските напади врз Иран.

Свет | пред 1 ден

Поранешниот шпански премиер под истрага за корупција

Поранешниот шпански премиер Хосе Луис Родригез Запатеро се најде под кривична истрага поради сомнежи за трговија со влијание и други кривични дела поврзани со државна помош од 53 милиони евра доделена на авиокомпанија поврзана со Венецуела за време на пандемијата на коронавирусот.Запатеро, социјалист кој беше премиер на Шпанија од 2004 до 2011 година, е првиот поранешен шпански премиер кој станал осомничен во кривична постапка и е повикан на сослушување пред Врховниот кривичен суд на Шпанија на 2 јуни.Иако и претходно поранешни и актуелни премиери сведочеле во корупциски случаи, ова е првпат еден поранешен шеф на владата формално да биде осомниченик.Истрагата е дел од поширока постапка што се однесува на спасувањето на шпанската авиокомпанија „Плус Ултра“ во март 2021 година.Обвинителството проверува дали компанијата ненаменски ги трошела јавните средства што ѝ биле одобрени од владата, додека полицијата за борба против корупцијата истражува сомнежи дека дел од средствата биле искористени за перење пари од Венецуела преку Франција, Швајцарија и Шпанија.Судот денеска соопшти дека судијата одобрил претрес на канцеларијата на Запатеро, како и на уште три компании.„Судијата на Националниот суд, Хосе Луис Калама, му нареди на поранешниот премиер Хосе Луис Родригез Запатеро да се појави како осомничен по обвиненија за трговија со влијание и сродни кривични дела“, се наведува во судското соопштение.Се додава дека судот ја укинал тајноста на постапката и ја презел надлежноста откако понизок суд се прогласил за ненадлежен.Запатеро ги отфрла сите обвиненија.Во март тој сведочеше пред сенатска комисија и изјави дека „никогаш не примил никаква провизија од „Плус Ултра““.Сепак, призна дека давал консултантски услуги за својот пријател Хулио Мартинез, бизнисмен кој соработувал со компанијата и кој бил уапсен во декември минатата година од антикорупциските служби.Претседателот на „Плус Ултра“, Хулио Мартинез Сола, во февруари тврдеше дека спасувањето на компанијата било целосно законско.„Немаше никаква привилегирана постапка, незаконска помош или несоодветно влијание. Сè беше спроведено според строгите правила“, изјави тој.Во меѓувреме, наследникот на Запатеро на премиерската функција, Педро Санчез, исто така се соочува со повеќе корупциски афери што ја погодуваат неговата влада, партија и семејство.Минатиот месец сопругата на Санчез, Бегоња Гомез, беше обвинета за проневера, трговија со влијание, деловна корупција и злоупотреба на средства по двегодишна истрага.Овој месец на судење треба да се појави и помладиот брат на премиерот, Давид Санчез, по обвиненија за трговија со влијание.И двајцата ги негираат обвиненијата, а премиерот Санчез тврди дека станува збор за политички и медиумски прогон против неговото семејство.На судење за корупција се и двајца поранешни високи функционери од владата на Санчез.Поранешниот министер за транспорт Хосе Луис Абалос, кој важеше за близок соработник на премиерот, е обвинет за примање мито при склучување договори за медицинска опрема за време на пандемијата.Заедно со него обвинети се и неговиот поранешен помошник Колдо Гарсија и бизнисменот Виктор де Алдама.Социјалистичката партија денеска објави соопштение со поддршка за Запатеро, оценувајќи дека неговите два премиерски мандати биле обележани со проширување на правата, еднаквоста и социјалната заштита.„Десницата и екстремната десница никогаш не му го простија тој напредок“, се наведува во соопштението.Од опозициската Народна партија, пак, порачаа дека „корупцијата е врската што ги поврзува последните двајца социјалистички премиери на Шпанија“ и побараа крај на, како што наведоа, „оваа срамота“.

Свет | пред 1 ден

Ѓорѓиевски: ЗЕЛС формира кризен противпожарен штаб пред летната сезона

Градоначалникот на Град Скопје, Орце Ѓорѓиевски, информираше дека денеска се одржала редовна седница на Управниот одбор на ЗЕЛС, на која се разговарало за актуелните предизвици со кои се соочуваат општините и биле донесени повеќе одлуки.Како една од клучните одлуки, Ѓорѓиевски го посочи формирањето кризен противпожарен штаб при ЗЕЛС, со цел подобра координација меѓу општините при евентуални пожари во текот на летниот период.„Безбедноста на граѓаните, заштитата на имотот и навремената реакција мора да бидат наш заеднички приоритет“, наведе Ѓорѓиевски.Тој додаде дека преку ЗЕЛС ќе се зајакнува меѓуопштинската соработка и ќе се гради систем што ќе може координирано и ефикасно да реагира во кризни ситуации.На седницата присуствувал и Ацо Ристов, со кого било разговарано за можностите за формирање локални енергетски претпријатија.Според Ѓорѓиевски, користењето електрична енергија произведена од соларни панели и нејзиното пласирање на пазарот може да обезбеди дополнителни приходи за општините, кои потоа би се вложувале во локални проекти и услуги за граѓаните.Од ЗЕЛС порачаа дека целта е создавање посилни општини, поефикасни институции и подобри услови за живот за граѓаните во Македонија.

Скопје | пред 1 ден

Масовно пукање во Турција: Убил шест лица, па се самоубил пред полицијата

Маж осомничен за серија смртоносни пукања во јужна Турција се самоубил откако бил опколен од безбедносните сили, објави „Вашингтон пост“.Според информациите, 37-годишниот осомничен, вооружен со пушка, во градот Тарсус, во провинцијата Мерсин, ги убил сопругата и уште пет лица, а ранил осуммина.Полицијата организирала голема потрага во која биле вклучени хеликоптери и дронови, по што осомничениот бил лоциран во куќа каде што се криел. Според медиумските извештаи, тој си го одзел животот непосредно пред апсењето.Истражителите се сомневаат дека напаѓачот прво ја убил сопругата на улица, а потоа од автомобил отворил оган кон ресторан, при што биле убиени сопственикот и еден вработен.Подоцна, според истрагата, во друга населба убил тинејџер, 50-годишен маж и уште едно лице.Од кабинетот на гувернерот на Мерсин соопштиле дека осомничениот имал историја на злоупотреба на супстанции и психијатриски проблеми.Пукањата се случуваат во период на зголемено оружено насилство во Турција. Минатиот месец, во пукање во училиште во провинцијата Кахраманмараш загинаа 10 лица, додека во друг напад еден ден претходно беа ранети 16 луѓе.

Свет | пред 1 ден

Воен авион на НАТО собори дрон над Естонија

Воен авион на НАТО соборил дрон над Естонија за кој постои сомнеж дека ѝ припаѓал на Украина, соопштија естонските власти, во услови на сè почести нарушувања на воздушниот простор во балтичкиот регион.Инцидентот се случува во време кога Украина ги засилува нападите со беспилотни летала врз руска територија.Соседна Латвија исто така издаде предупредување поради појава на дронови и ги повика жителите во близина на руската граница да останат во своите домови.Латвиската армија соопшти дека во регионот биле испратени авиони од мисијата на НАТО за надзор на воздушниот простор над Балтикот.Украина во последните месеци значително ги интензивира нападите со дронови со долг дострел врз Русија, вклучително и во областите во близина на Балтичкото Море.Од март наваму, неколку украински воени дронови влегле во воздушниот простор на членките на НАТО – Финска, Латвија, Литванија и Естонија, кои граничат со Русија.Минатата недела латвиската влада падна токму поради критиките за начинот на кој реагирала на ваквите инциденти.Естонскиот министер за одбрана Хано Певкур изјави дека сомнителниот украински дрон бил соборен од романски борбен авион Ф-16.НАТО засега не одговорил на барањето за коментар.Украинскиот претседател Володимир Зеленски минатата недела изјави дека Украина ќе испрати експерти во Латвија за да помогнат во заштитата на нејзиниот воздушен простор.Финските власти на 15 мај предупредија на сомнителна активност со дронови во областа на главниот град Хелсинки и ги повикаа граѓаните да останат во затворен простор.Во тој период, воздушниот сообраќај на аеродромот во Хелсинки бил прекинат три часа.Финските одбранбени сили подигнале борбени авиони и ги активирале службите за итни интервенции, но подоцна соопштиле дека не биле пронајдени никакви дронови.

Свет | пред 1 ден

Европски разузнавачки служби тврдат дека Кина тајно обучувала руски војници за војната во Украина

Кинеската армија кон крајот на минатата година тајно обучувала околу 200 руски војници на територијата на Кина, а дел од нив во меѓувреме се вратиле на боиштето во Украина, објави Ројтерс, повикувајќи се на сознанија од три европски разузнавачки агенции и документи во кои агенцијата имала увид.Иако Кина и Русија од почетокот на руската инвазија врз Украина во 2022 година одржаа повеќе заеднички воени вежби, Пекинг постојано тврди дека има неутрална позиција во конфликтот и дека настапува како мировен посредник.Еден разузнавачки функционер изјавил дека со обучувањето руски воен персонал на оперативно и тактичко ниво, кој потоа учествува во борбите во Украина, Кина станува многу подиректно вклучена во војната на европско тло отколку што досега било познато.Разузнавачките служби побарале да останат анонимни поради чувствителноста на информациите.Руското и кинеското Министерство за одбрана не одговориле на барањата на Ројтерс за коментар.Кинеското Министерство за надворешни работи соопшти дека Пекинг „доследно задржал објективен и непристрасен став“ во врска со украинската криза и дека се залага за мировни преговори.„Релевантните страни не треба намерно да поттикнуваат конфликти или да префрлаат вина“, соопшти кинеското министерство.Европските земји, кои Русија ја сметаат за сериозна безбедносна закана, внимателно ги следат сè поблиските врски меѓу Москва и Пекинг.Русија и Кина прогласија „стратешко партнерство без граници“ само неколку дена пред почетокот на инвазијата врз Украина во 2022 година и најавија засилена воена соработка.Додека Западот се обидуваше да ја изолира Русија, Кина ѝ обезбеди економска поддршка преку купување руска нафта, гас и јаглен.Кинескиот претседател Си Џинпинг оваа недела треба да го пречека рускиот претседател Владимир Путин во Пекинг, помалку од една недела по посетата на американскиот претседател Доналд Трамп.Според Ројтерс, тајната обука била главно насочена кон употреба на беспилотни летала.Во двојазичен руско-кинески договор, потпишан на 2 јули 2025 година во Пекинг, се наведува дека околу 200 руски војници ќе поминат обука во воени објекти во Пекинг и Нанџинг.Изворите потврдиле дека приближно толкав број руски војници навистина биле обучени во Кина.Договорот предвидувал и стотици кинески војници да поминат обука во Русија.Русите требало да бидат обучувани за беспилотни летала, електронско војување, воена авијација и оклопна пешадија.Во документот било наведено дека посетите не смеат да бидат медиумски покриени и дека трети страни не смеат да бидат информирани.Беспилотните летала се покажаа како едно од клучните оружја во војната во Украина.Двете страни користат дронови со долг дострел за напади врз цели на стотици километри, додека помалите ФПВ-дронови, вооружени со експлозив, доминираат на фронтот.Според разузнавачките агенции, Русија има големо борбено искуство од Украина, додека Кина располага со развиена индустрија за дронови и напредни методи за обука, вклучително и симулатори за летање.Значителен дел од руските војници кои биле обучувани во Кина биле високи воени инструктори, способни стекнатото знаење да го пренесат понатаму.Една од агенциите потврдила идентитет на неколку руски војници кои по обуката учествувале во операции со дронови во окупираните региони Крим и Запорожје.Воените чинови на тие лица се движеле од помлад водник до потполковник.Ројтерс наведува дека не можел независно да го потврди нивното учество во борбите.Во внатрешни руски воени извештаи до кои дошла агенцијата се опишуваат четири курсеви за обука на руски единици во Кина.Еден извештај од декември 2025 година опишува комбинирана борбена обука за околу 50 руски војници во филијала на Академијата за пешадија во Шиџијажуанг.Обуката вклучувала користење минофрлачи од 82 милиметри со помош на дронови за откривање цели.Друг извештај опишува обука за противвоздушна одбрана со користење електронски пушки за војување, уреди за фрлање мрежи и дронови за пресретнување непријателски летала.Трет документ се однесува на обука за беспилотни летала во Центарот за воена авијација во Јибин, каде што биле користени симулатори за летање и ФПВ-дронови.Четвртиот извештај опишува курс на Универзитетот за воено инженерство во Нанџинг, кој опфатил технологија на експлозиви, поставување и отстранување мини, како и неутрализирање неексплодирани убојни средства.Во извештајот имало и фотографии од руски војници во униформи кои ги обучуваат кинески инструктори, како и снимки од инженериска опрема и техники за пребарување минирани подрачја.

Свет | пред 1 ден

Полицијата приведе седум возачи - петмина возеле без дозвола, еден пијан и со забрана

Министерство за внатрешни работи информира дека во текот на изминатото деноноќие на територијата на државата биле лишени од слобода седум возачи поради безобѕирно управување возило.Според полицијата, петмина од нив управувале возила без возачка дозвола, еден возач возел со брзина поголема од дозволената, а еден управувал возило и покрај активна забрана, под дејство на алкохол.Двајца возачи биле приведени во Прилеп, а по еден во Скопје, Гостивар и Гевгелија поради возење без дозвола.Во Гевгелија бил приведен и возач кој управувал со брзина поголема од дозволената, додека во Охрид бил лишен од слобода возач кој управувал возило и покрај активна забрана и под дејство на алкохол.Од МВР најавуваат дека по целосно документирање на случаите ќе бидат поднесени соодветни кривични пријави и апелираат граѓаните да ги почитуваат сообраќајните правила и прописи.

Македонија | пред 1 ден

„Бројот на стипендии не се намалува, ниту партиципацијата во студентските домови се зголемува, напротив студентите ќе добијат реновирани домови и мотивирачки стипендии“, вели Конески

Членот на ИК на УМС на ВМРО-ДПМНЕ, Тодор Конески на денешната прес-конференција порача дека бројот на студентски стипендии не се намалува, ниту се зголемува партиципацијата во студентските домови, обвинувајќи го СДСМ за манипулации и ширење невистини.Според Конески, бројот на стипендиите не е дел од измените на Законот за студентски стандард, туку се утврдува секоја година согласно Буџетот и потребите на државата.Тој истакна дека со законските измени се овозможува подобра распределба на стипендиите, со фокус на успехот на студентите, стратешките области и потребите на пазарот на трудот.„Стипендиите кои се доделуваа досега беа конфузни и со ист месечен износ, без јасна разлика меѓу оние за висок просек и мотивирачките стипендии за стратешки области“, рече Конески.Во однос на студентското сместување, тој посочи дека во предлог-законот никаде не е наведено колкава ќе биде партиципацијата, нагласувајќи дека и таа се утврдува на годишно ниво преку посебна програма.Од ВМРО-ДПМНЕ тврдат дека Министерството подготвува ново законско решение со кое државата ќе ги преземе платите на вработените во студентските домови, со цел да се намали финансискиот товар врз студентите.Конески најави и дека летово ќе започне реконструкција на сите студентски домови, кои по завршувањето треба да станат енергетски ефикасни и опремени со современи услови за престој и учење.

Македонија | пред 1 ден

МВР со повеќе акции против трговија со наркотични супстанци

Министерство за внатрешни работи информира за повеќе случаи поврзани со недозволена трговија и поседување наркотични супстанци на подрачјата на Гостивар, Скопје и Кочани.Надворешната канцеларија за криминалистички работи Гостивар поднела кривична пријава против Л.Ѓ.(39) и Г.Н.(42), двајцата од Гостивар, поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.Според полицијата, на 7 ноември 2025 година при преглед кај второпријавениот бил пронајден кокаин, кој претходно го набавил од првопријавениот.Во друг случај, на 18 мај 2026 година, полициски службеници од СВР Скопје на различни локации во Скопје ги лишиле од слобода А.А.(18) од селото Стајковци и малолетник од селото Србица, затоа што кај нив биле пронајдени бела прашкаста материја и марихуана.ОВР Кочани, пак, поднела кривична пријава против Б.Д.(23) од Кочани поради сомнение за неовластено производство и пуштање во промет наркотични супстанци. При претрес на возило, дом и помошни простории во август минатата година, кај него била пронајдена и одземена марихуана.Дополнително, гостиварската криминалистичка полиција поднела кривична пријава и против А.А.(20) од селото Горна Бањица и Н.А.(25) од Долна Бањица. Според информациите, при преглед кај првопријавениот била пронајдена марихуана која претходно ја набавил од второпријавениот.Од МВР велат дека по целосно документирање на случаите ќе следуваат соодветни поднесоци.

Македонија | пред 1 ден

Тешко повредени две лица по излетување на автомобил кај Гевгелија

Министерство за внатрешни работи информира дека на 19 мај околу 00:10 часот во ОВР Гевгелија било пријавено дека на регионалниот пат Богданци – Гевгелија патничко возило „фиат“ со гевгелиски регистарски ознаки излетало од коловозот.Возилото го управувал Д.Б.(50) од Богданци, а во несреќата тешки телесни повреди добиле и возачот и сопатникот С.П.(52) од Богданци.Повредите биле констатирани во Медицински центар Гевгелија.Увид на местото извршила увидна екипа на ОВР Гевгелија.

Македонија | пред 1 ден

Љутков: Со 25 милиони денари, целосно реконструиран Спомен-домот на Разловечкото востание и поставена нова музејска поставка

Зоран Љутков од селото Разловци порача дека „Македонија предолго живееше со страв да не навреди некого ако се сака себеси“, на одбележувањето на 150-годишнината од Разловечкото востание.На свеченоста, министерот оцени дека Разловци претставува „највисок пантеон на македонскиот опстој“ и симбол на непокорот што, како што рече, никој не успеал да го замолчи.Во своето обраќање, Љутков нагласи дека Разловечкото востание е еден од темелите на македонската борба за слобода и државност, додавајќи дека токму таму бил разгорен жарот што подоцна прераснал во поширок ослободителен бран низ Македонија.„Јунаците од Разловци не ја победија Империјата, но ја победија тишината, а тишината е најстрашната форма на ропство“, истакна министерот.Од Министерство за култура и туризам информираа дека за целосна реконструкција на Спомен-домот на Разловечкото востание биле издвоени околу 25 милиони денари, а поставена е и нова музејска поставка со фотографии и артефакти поврзани со востанието.Љутков им оддаде почит на Димитар Поп Георгиев Беровски, Поп Стојан Карастоилов, Илија Марков – Дедо Иљо Малешевски, Никола Скрижовски и на сите учесници во востанието, оценувајќи дека нивното дело останува симбол на македонскиот непокор и стремеж кон слободата.

Македонија | пред 1 ден

Филков со остра реакција за протестите за албанскиот јазик – македонскиот јазик е уставна вредност и обврска

Игор Филков остро реагираше на протестите и барањата правосудниот испит да може да се полага на албански јазик, оценувајќи дека станува збор за обид чувствителното прашање да се претвори во поле за политички притисок и етничка конфронтација.Министерот истакна дека правосудниот испит не е политичко, туку прашање на стручност, професионалност и почитување на правниот поредок на државата.Според него, обидите законската обврска за познавање на македонскиот јазик да се прикаже како дискриминација претставуваат опасна манипулација со јавноста и директен удар врз уставниот поредок.„Македонскиот јазик е службен јазик на целата територија на Република Северна Македонија и темел на институционалниот и правниот систем“, порача Филков.Тој оцени дека е недозволиво теми што директно го засегаат правосудниот систем да се користат за собирање политички поени или за создавање меѓуетнички тензии.Од Министерството за правда посочуваат дека правосудниот испит се спроведува согласно законите и професионалните стандарди, а не според политички агенди или притисоци.Филков нагласи дека Министерството останува отворено за институционален дијалог, но нема да дозволи, како што рече, девалвација на правосудниот систем и поткопување на улогата на македонскиот јазик како столб на државноста.

Македонија | пред 1 ден

„Каков блам: Следно е Филипче да држи прес за колекционерство на салфетки и за нумизматика“, велат од ВМРО-ДПМНЕ

ВМРО-ДПМНЕ со реакција го нападна лидерот на СДСМ, Венко Филипче, оценувајќи дека неговите прес-конференции се „комбинација од театар на апсурд и евтина претстава“.Во соопштението се наведува дека СДСМ од „партија што барем глумеше сериозност“ се претворила во политичка група без јасен правец и тежина.Од ВМРО-ДПМНЕ иронично посочуваат дека „следно е Филипче да одржи прес-конференција за нумизматика, колекционерство на салфетки или ретки поштенски марки“, обвинувајќи го дека во настапите меша теми поврзани со пасоши, НАТО, Преспанскиот договор и уставните измени.Во реакцијата се додава дека СДСМ денес „не е опозиција, туку политички стенд-ап без публика“, а Филипче е обвинет дека се обидува да глуми морален авторитет и покрај, како што велат од партијата, „криминалот, понижувањата и националните отстапки“ за време на владеењето на СДСМ.

Македонија | пред 1 ден

(Видео) Петти ден Радовиш се гуши во чад, граѓаните објавија видео: Личи на Лондон, има дури и депонија

Во близина на Радовиш веќе подолг период проблем претставува градската депонија, од која при пожари и горење се шири густ чад, непријатна миризба и потенцијално штетни материи. Ова дополнително ја зголемува загриженоста кај граѓаните за квалитетот на воздухот и влијанието врз здравјето на населението.Жителите велат дека веќе петти ден по ред се забележува чад кој доаѓа од депонијата.На Фејсбук е објавено и видео на кое се гледа како над градот има бел чад, при што граѓаните го коментираат проблемот и бараат итна реакција од надлежните институции.Во видеото се вели: „Радовиш е мало место, личи на Лондон, во него има триста чуда, дури и една депонија“, што дополнително ја отсликува загриженоста и незадоволството на жителите.Граѓаните апелираат до надлежните за итно решавање на проблемот и подобра заштита на населението од загадувањето.„Од чист незагаден град, сега го направија најзагаден“, велат граѓаните.Градоначалникот на социјалните мрежи упати апел граѓаните да ги почитуваат мерките.„Поради пожарот на градската депонија, апелираме до сите граѓани да ги почитуваат препораките за заштита на здравјето: Општина Радовиш и надлежните служби активно работат на локализирање и гаснење на пожарот“, вели градоначалникот.

Настани | пред 1 ден

Општина Радовиш излезе со итни насоки: Маски, затворени прозорци и ограничено движење, да се избегнува престој на отворено

Општина Радовиш соопшти дека пожарот на градската депонија, кој избувнал во петокот попладне, сè уште не е целосно изгаснат, иако во последните два дена нема активен пламен, туку густ чад што се шири над градот.Градоначалникот на Радовиш и командант на Кризниот штаб, Љупче Почивалец, информираше дека општината, заедно со противпожарните служби и јавните претпријатија, е целосно ангажирана во справување со состојбата.Според него, по препорака на институции со искуство во вакви интервенции, било одлучено депонијата да се затрупува со песок и земја со цел да се задуши чадот и да се стави пожарот под контрола.Во меѓувреме, Кризниот штаб одржал неколку состаноци и, во консултација со Центар за јавно здравје – Штип, биле донесени препораки за заштита на населението.Граѓаните се повикани да избегнуваат непотребен престој на отворено, да ги држат затворени прозорците и вратите, да користат заштитни маски и да избегнуваат спортски и рекреативни активности на отворено.Посебни препораки има за децата, постарите лица, бремените жени и хронично болните, кои треба да престојуваат во затворени и заштитени простории.Од Општината апелираат на смиреност и почитување на препораките додека траат активностите за целосно локализирање на пожарот.

Македонија | пред 1 ден

Средношколка физички нападната од соученик, таткото тврди дека трпела и психичко малтретирање

Министерство за внатрешни работи информира дека во СВР Скопје бил пријавен случај на физички напад врз малолетничка во средно училиште на подрачјето на Карпош.Според пријавата, О.С.(45) од Скопје на 18 мај околу 19:15 часот пријавил дека истиот ден околу 14:30 часот неговата 17-годишна ќерка била физички нападната од нејзин соученик.Како што навел пријавителот, ученичката подолг период била и психички малтретирана од истиот ученик.Од полицијата соопштија дека се преземаат мерки за расчистување на случајот.

Македонија | пред 1 ден

Ја држеле ќерка му за врат, кога се обидел да ја спаси го удриле со кундак од пиштол

Министерство за внатрешни работи информира дека во СВР Скопје било пријавено дека 41-годишен жител на селото Кондово бил физички нападнат и удрен со кундак од пиштол.Според пријавата, Н.Ш.(41) на 19 мај околу 01:45 часот пријавил дека претходната вечер, околу 21:30 часот пред неговиот дом, Б.И.(18) физички го нападнал и му нанел повреда.Како што било пријавено, претходно во текот на денот неговата малолетна ќерка имала расправија со друга малолетничка. Кога забележал дека Б.И. и уште едно лице ја држат неговата ќерка за врат, се обидел да интервенира, по што бил нападнат со кундак од пиштол.Од полицијата велат дека се преземаат мерки за целосно расчистување на случајот.

Македонија | пред 1 ден

Маж физички ја нападнал сопругата во Кочани

Министерство за внатрешни работи соопшти дека ОВР Кочани поднела кривична пријава против Р.Ј.(27) од Кочани поради сомнение за сторено кривично дело „телесна повреда“.Според информациите од полицијата, на 26 април 2026 година пријавениот физички ја нападнал својата сопруга и ѝ нанел повреди.По документирање на случајот, против него е поднесена соодветна кривична пријава.

Македонија | пред 1 ден