Ахмети по 24 години постави македонско знаме во својата канцеларија оти му рекле амбасадорите

Во канцеларијата на претседателот на Демократската унија за интеграција (ДУИ), Али Ахмети, во Мала Речица, за првпат по 24 години од формирањето на партијата е поставено државното знаме, објави порталот „Тетова сот“.

— реклама —

Знамето беше забележано при вчерашната средба на Ахмети со амбасадорот на Австрија во земјава, Мартин Памер.

— реклама —

Во изјава за „Тетова сот“, лидерот на ДУИ рече дека никогаш немал дилема околу истакнувањето на државното знаме и дека неговото поставување во канцеларијата следувало по препорака од странски амбасадори со кои остварувал средби.

— реклама —

„Отсекогаш сум бил за унитарна држава. Тоа беше и предлог на странските амбасадори во земјата. Ми беше предложено на средбите со нив државното знаме на Македонија да биде поставено во мојата канцеларија“, изјавил Ахмети.

— реклама —

Тој посочил дека овој чекор е одраз на неговиот став дека државата е заедничка на сите нејзини граѓани и дека државните симболи заслужуваат почит.