Лидерот на ДУИ, Али Ахмети, ги коментираше одлуките на албанското Министерство за внатрешни работи со кои Валон Бела и Бекир Халими беа прогласени за „нон грата“.
Гостувајќи во емисијата „Click“ на ТВ21, Ахмети рече дека албанските институции морале да располагаат со конкретни факти за да преземат таква мерка.
„Албанската безбедност не носи одлуки без да има факти. Ова прашање може да се упати до албанските безбедносни служби, но јас сум многу сигурен дека албанската држава не им нанесува неправда на Албанците“, изјави Ахмети.
Тој додаде дека доколку постојат нејаснотии околу одлуките, тие треба да се разјаснат со надлежните албански институции.
