Жител на Штип тврди дека рано утринава багер неовластено урнал дел од неговата куќа додека тој и неговото семејство спиеле во домот.
Во изјава за ТВ М Нет, Џенгис вели дека багерот пристигнал во раните утрински часови и двапати со корпата удирал во ѕидот од куќата.
„Сакам да кажам како дојде багерот рано наутро, околу четири часот, и двапати со корпата го рушеше ѕидот. Нека дојдат надлежните да извршат увид и да видиме каде е проблемот. Додека не се расчисти случајот, 24 или 48 часа, нема да го тргнеме ѕидот. Нека се пренасочува сообраќајот ако треба“, изјави тој.
Тој тврди дека објектот е легален и дека не станува збор за дивоградба.
„Куќата ми е легална, ништо не е дивоградба“, додава Џенгис.
Засега нема официјално соопштение од надлежните институции за случајот.
